توك صغيرة وابتديتي تحبين

[عالي مستواه]

توك صغيره وابتديتي تحبين = من علمك ليل السهر ياصغيره ؟


بدري عليك العشق يابنت هاللحين = حرام هذا القلب وشهو مصيره ؟


انتي بريئه في الهوا ليه تشقين؟ = دروبه طوال ٍ عليك وعسيره


رحتي بدرب ٍ ماله اصلا ً عناوين = وانتي مشاويرك من اول قصيره


ياطفلة ٍ حبّت وراحت على وين ؟ = عقب الهنا ذقتي الحياه المريره


وينك ووين الحب والشوق والبين ؟ = عنّيتي عيونك وصرتي سهيره


امحق تسلّي كان ودك تسلّين = الورد لولا اللون وشهو عبيره ؟ ؟ ؟


خلّيتي دروسك وصرتي تحاتين = الدرس في ديره وصرتي بديره


وصرتي بعد من غير هذا تغارين = والمشكله يابنت منتتي خبيره


نصيحتي لك كان ودك تردين = يم السعاده والحياه المثيره


خلّك بجو العايله لا تعدّين = ماما وبابا والعجوز الضريره


شيبانك اللي ما يبونك تعانين = من بينهم عشتي كأنك اميره


الحب قبلك هز ناس ٍ كثيرين = خلا القلوب تعيش هم ٍ وحيره


والحب يفضح لا انكشف داخل العين = وانتي بنفسك ما هقيتك بصيره


طيعي كلامي واحذري لا تمادين = تراجعي لعل في الأمر خيره


عيشي الطفوله والبراءه لك سنين = وبعدين حبّي لا غديتي كبيره

[alshaheen99]

لا هنت شاعرنا وربي يعطيك العافية على
القصيدة الجميله التي أبدعت في كلماتها
ربي لا هانك وتقبل مروري

[راعي الكروزر]

الحب قبلك هز ناس ٍ كثيرين = خلا القلوب تعيش هم ٍ وحيره

والحب يفضح لا انكشف داخل العين = وانتي بنفسك ما هقيتك بصيره

قصيده في منتهى الروعه
تسلم "عالي مستواه " ع الطرح الرائع
ونشالله دوووم مستواك عااااالي

[عالي مستواه]

تسلم راعي الكروزر ع المرور

[عالي مستواه]

تسلم يا الشاهين ع المرور

[طموح أنسان]

قلت فأجدت القول اخي العزيز نعم أنا أشهد بأن كلماتك راقت لي كثيرا
فأنت عالي مستواك وفكرك الأدبي
بوركت

[أرواح مهاجرة]

عذرا هذا قسم خاص بأشعار الأعضاء أنفسهم .. يرجى انتباهكم

والقصيدة موجودة على هذا الرابط

http://www.w-ahin.com/vb/showthread....D5%DB%ED%D1%C9

يغلق