|
توك صغيرة وابتديتي تحبين
توك صغيره وابتديتي تحبين = من علمك ليل السهر ياصغيره ؟
بدري عليك العشق يابنت هاللحين = حرام هذا القلب وشهو مصيره ؟ انتي بريئه في الهوا ليه تشقين؟ = دروبه طوال ٍ عليك وعسيره رحتي بدرب ٍ ماله اصلا ً عناوين = وانتي مشاويرك من اول قصيره ياطفلة ٍ حبّت وراحت على وين ؟ = عقب الهنا ذقتي الحياه المريره وينك ووين الحب والشوق والبين ؟ = عنّيتي عيونك وصرتي سهيره امحق تسلّي كان ودك تسلّين = الورد لولا اللون وشهو عبيره ؟ ؟ ؟ خلّيتي دروسك وصرتي تحاتين = الدرس في ديره وصرتي بديره وصرتي بعد من غير هذا تغارين = والمشكله يابنت منتتي خبيره نصيحتي لك كان ودك تردين = يم السعاده والحياه المثيره خلّك بجو العايله لا تعدّين = ماما وبابا والعجوز الضريره شيبانك اللي ما يبونك تعانين = من بينهم عشتي كأنك اميره الحب قبلك هز ناس ٍ كثيرين = خلا القلوب تعيش هم ٍ وحيره والحب يفضح لا انكشف داخل العين = وانتي بنفسك ما هقيتك بصيره طيعي كلامي واحذري لا تمادين = تراجعي لعل في الأمر خيره عيشي الطفوله والبراءه لك سنين = وبعدين حبّي لا غديتي كبيره |
لا هنت شاعرنا وربي يعطيك العافية على
القصيدة الجميله التي أبدعت في كلماتها ربي لا هانك وتقبل مروري |
الحب قبلك هز ناس ٍ كثيرين = خلا القلوب تعيش هم ٍ وحيره
والحب يفضح لا انكشف داخل العين = وانتي بنفسك ما هقيتك بصيره قصيده في منتهى الروعه تسلم "عالي مستواه " ع الطرح الرائع ونشالله دوووم مستواك عااااالي |
تسلم راعي الكروزر ع المرور
|
تسلم يا الشاهين ع المرور
|
قلت فأجدت القول اخي العزيز نعم أنا أشهد بأن كلماتك راقت لي كثيرا
فأنت عالي مستواك وفكرك الأدبي بوركت |
عذرا هذا قسم خاص بأشعار الأعضاء أنفسهم .. يرجى انتباهكم
والقصيدة موجودة على هذا الرابط http://www.w-ahin.com/vb/showthread....D5%DB%ED%D1%C9 يغلق |
| الساعة الآن 10:41 PM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
جميع الحقوق محفوظة لـ موقع ومنتديات وادي عاهن