كيكة الآيسكريم

[أرواح مهاجرة]

أعجبتني .. فنقلتها علها تنال إعجابكم ..

أولاً : اعداد الآيسكريم

المكونات هي :

1 علبة قشطة
2 علبة حليب سائل
1 علبة حليب مركز
5 م ص كاكاو
2 م ك شوكولاته نوتيلا
مكسرات حسب الرغبة




الخطوات :

نضع الحليب السائل والقشطة والحليب المركز في وعاء الخلّاط
( تقدري تقلصي كمية الحليب السائل إلى علبة واحدة فقط للحصول
على نتائج أفضل وأسرع )





نخلط المكونات مع بعضها باستخدام الخلاط الآلي



نضيف كمية الكاكاو وننخلها أثناء إضافتها عشان ما تتكون كتل في المزيج
ونضيف النوتيلا ( تقدري فحالة عدم تواجد النوتيلا تستخدمي أي نوع ثاني
من الشوكولاته جالكسي ذائب مثلا أو أي نوع آخر )





نحصل على هذا المزيج




نضيف المُكسرات




نستمر في الخلط لمدة 10 دقائق ومن بعدها نصب المزيج في وعاء
ونضعه داخل الفريزر




الحين الخطوة الأهم والأكبر
راح ياخذ المزيج مدة طويلة في الثلاجة عشان يستوي آيسكريم
فلازم كل نصف ساعة تقريبا تروحي الثلاجة وتقلبي المزيج باستخدام الملعقة
وهكذا لمدة ما تقل عن 5 ساعات ! وراح تحسي بعد كل مرة إنه المزيج
صار أغلط وأكثف وبدا يتمساك مع بعضه

فهذي الأثناء وبعد إدخال المزيج للثلاجة ننتقل للخطوة الثانية

،

ثانيا : إعداد الكيكة

تقدري تسوي الكيكة بأي طريقة انتي تعودتي عليها
أو مثل ما أنا سوّيت ، استخدمت خليط الكيك الجاهز بنكهة الفراولة

المكونات :
1 علبة كيك جاهز
1 كوب ماء
1/3 كوب زيت
3 بيضات




نخلط المكونات مع بعضها لين تتمازج




نصب الخليط في صينية الفرن وندخلها في الفرن لين تنضج




بعد ما تخرج من الفرن نخليها تبرد وترتاح
فهذي الآثناء لا تنسي تتابعي الآيسكريم في الثلاجة وتقلبي عليه
وبعد ما تحسي إنه صار غليط كفاية بحيث انه ما هو سائل ولا هو صلب جداً
نبدأ في الخطوة الثالثة

،

ثالثا : جمع الكيك والآيسكريم في طبق واحد والتزيين

نجهزّ الصينية ونحطلها الورق المشحم في القاعدة والجوانب




نخرج الكيكة من الصينية ونفتتها ونضيف لها ملعقة كبيرة قشطة
ونمزجها مع بعض لين تصير شبه متماسكة !




نصب الكيك المفتت في الصينية ونضغط عليه بشكل متساوي لين يكون لنا
طبقة سفلية متساوية
ومن بعدها نطلع الآيسكريم الي صار شبه متماسك من الثلاجة
ونصبه فوق الكيك ونساويه



ندخل الصينية مرة ثانية في الفريزر عشان الآيسكريم ما يذوب
ونخليها لحد ما يكتمل تماسك المزيج مع بعضه جيدا

وفهذي الأثناء نجهّز للتزيين


المكونات :
1 علبة قشطة
شوكولاته غامقة
رقائق الشوكولاته



نجهز حمام مائي ونقطع الشوكولاته الغامقة ونضيفلها القشطة
ونتركهم على نار هادئة في الحمام لين تذوب الشوكولاته ويتمازجوا مع بعضهم



لما نتأكد إنه الآيسكريم الي في الثلاجة صار متماسك
نخرجه ونصب فوقه الشوكولاته ونزيّنه برقائق الشوكولاته
حسب الرغبة ^^
وإذا حبيتي تزينيه بأي طريقة ثانية لك مُطلق الحربة
وخلّيه بعدين في الثلاجة لين وقت التقديم
ولمّا تريدي تقديمه ، عشان تخرجيه من الصينية
استخدمي فوطة مبللة بماء ساخن وامسحي بها على جوانب الصينية
عشان يذوب الآيسكريم من الأطراف ويصير سهل إخراجها
وأثناء قصها أيضا بللي السكين بماء ساخن لتسهيل التقطيع

،

الشكل النهائي :

وفي النهاية راح يطلعلنا الطبق بهذا الشكل
وبالهناء والعافية







،
وعسى أن يروق لذائقتكم

[شـبيه الــريــــح]

شكرا أرواح مهاجره على ها الكيكه الحلووووووووووووه

[الغلا]

لكي جزيل الشكر على الكيكه الطيبه

لكنها تحتاج لوقت...

يسلمووووووو....

[أرواح مهاجرة]

شكرا لمروركما ..

وهي فعلا تحتاج لوقت ..

عشان كذا ما أظني اني بسويها ..

عجبني شكلها ومكوناتها ..

[]]~إشـــراقة غمـــوض~[[]

شكلها حلووووووه ..

شكرا ارواح مهاجره ^_^

[أرواح مهاجرة]

مرورك اللي حلوووو إشراقة ..

[عظيم الشوق]

تســـــــــــــــــــــــــــــلمي على الوصفه

بس ما أعتقد متوفر ف صحـــــــــــــــــــــــار
كان بنجربه

[أرواح مهاجرة]

المشاركة الأصلية كتبت بواسطة عظيم الشوق

تســـــــــــــــــــــــــــــلمي على الوصفه

بس ما أعتقد متوفر ف صحـــــــــــــــــــــــار
كان بنجربه

موه هوه اللي ما متوفر في صحار ؟؟

[الزعيم]

يسلمو أختي ع الوجبة......يم يم يم يم لذيذة واااااااااااايد......كان زين والله لو تذوقينا منها وتحطينا عزيمة ع حسابك...........

[أرواح مهاجرة]

المشاركة الأصلية كتبت بواسطة حموووده

يسلمو أختي ع الوجبة......يم يم يم يم لذيذة واااااااااااايد......كان زين والله لو تذوقينا منها وتحطينا عزيمة ع حسابك...........

الله يسلمك حموووده ..

إن شاء الله حاضرين ..