سجلت ف قلبي دخوولك

[بنت الاشخري]

سجّـلت في قلبي دخولك على طول
وغنت جروح القلب فيكم نشيده

وكلمة مرورك جابها منك مرسول
وبدّلتها وارسلت .. كلمه جديده

واصبح ملفك داخل القلب معزول
وحفظت به من دم قلبي قصيده

وسويت لك تحرير عن كل مجهول
متوسط ٍ بين الخفوق .. وّريده

وقدّمت لك عرض ٍ من القلب منقول
لأجل أثبت انك بالضماير وحيد

وبمفضلة قلبي عن الغير محمول
ما اضفت غيرك يالفتا الفريد

وللخلف لو ترجع ترى الخلف مقفول
رح للأمـام وفك صفحه جديده

وأن كان ودك تترك القلب مشغول
سجّـل خروج وشب فيني وقيده

وان شفتني هالك على الدرب لا حول
أضغط على ايقاف وأقرا القصيده

وأضغط على تحديث وتشوف مدلول
... وكل الكلام اللي قريته تعيده