مستضيق البال

[أبوراشد العيسائي]

خلني أنظــــــــرك بعيوني
من قبل ما أودع عيـــــونك
شـــــدني منظرك واللوني
والمــــزايا الطيبة فلــــونك
من جداكم زايغة شـجوني
وأنت يا اللي فاترة شـجونك
إن سألت الحال وشـــــلوني
قلت عونك يالضنـى عونك
في حماكم ناخت ضعوني
وأنت بي ظـــــلام من بونك
هز ريحك نايف غصـــوني
والصبر ما فاد مجنــــــونك
وين يوم الأول تجــــــــوني
ليـش ما عدنا على سونك ؟
في غـــرامك صرت مفتوني
يا غرامي وش بدا كــونك
الفــــــــرح قد رد من دوني
ما هنــــالي الوقت من دونك
الشـــــــــقى والهم زاروني
وأنت لك ناسٍ يــــــدارونك
مســـــتضيق البال خلوني
وين عني شــــدت ضعونك
العواطف صــــوبك مزوني
ومن ســــنة ما هلت مزونك
الحزن خيم ســــما كوني
والفرح والســـــعد زارونك
وإن بكت عيني وبكيتوني
لا تصارح من يســــــألونك
وإن حدابي البين دفنـــوني
وبلغــــوه قد راح مضنونك
لو تشـــــوف الدمع بعيوني
عاشــقك فدوه عن عيونك