وشلون ماأحبك ولا عدت مغليك

[الطير]

وشلون ماأحبك ولا عدت مغليك
........... وانت الدوا لـ انسان دونك يعاني

و وشلون رحت وكل صوتي يناديك!!
....... ياعمري اسمعني ترى العمر فاني


ماقلت لك من قبل ماني مخليك
......... ياكيف تنساني ــ وقلبك نساني


كتبت لك في صدر الايام ابغيك
...... وكتبت لي :.. خلاص غيرك خذانى


حتى جدار الصمت لو التفت فيك
....... بكيت من صمته .. وضيق الثوان


عشقت كل لحظات عمرك وماضيك
...... ومعك : عرفت ان الأماني .. أماني

وسويت لك في داخلي شي يرضيك
...... وان كان مايرضيك ؟؟ ... سويت ثان


نزعت فرحت ..ليت تكفيك ؟
....... وزرعتها في داخلك ماكفاني

ضحكت لك وآنا من الحزن أسليك
....... وحبست دمعي لجل أقدم حناني

وصديت وقت الضيق .. مابيك مابيك
...... تشوفني أضحك .. وأنا اللي أعاني

ياهـ الزمن تكفى - طلبتك - وأرجيك
............... لاتبخل بـــ وصل الحبيب الـ أناني

قد قلت له : مقدر أفارق وأحاتيك
....... وقد قلت له : هـ البعد ياما كواني

لكن حسافه كل صوتــ (ن) يطريك
............... ياما معا نفسي ذكرتك أغاني

بـ ايديك كل اللي حصل اييه بـ ايديك
....... بديت احسك شي ... خااارج زماني

ودامك زرعت انسان غيري بـ أراضيك
........... فـ أنا ماحب يكون غيري مكاني



بـ تغيب ؟ غيب ولكن اسمع محاكيك
....... قبل السفن تنوي بــــــ هجر المواني



في داخلي كلمة < ويمكن > تبكيك
........ ابيك تسمعها / . دقايق عشاني



لو الزمن يعطيك - ماهوب معطيك
... شخص مثلى يحطك بين خفوووق المحاني !!

تحياتي الطير

[الشيدي]

خف علينا العاشق هههههه

نقل جميل تشكر

[سفانة]

ههههههه صدقك عاشق تسلم الطير على النقل الموفق

[الطير]

المشاركة الأصلية كتبت بواسطة الشيدي

خف علينا العاشق هههههه

نقل جميل تشكر

هع......
يعني انتوا ما تحبووووووووووون احد !!!!!!

[الطير]

المشاركة الأصلية كتبت بواسطة سفانة

ههههههه صدقك عاشق تسلم الطير على النقل الموفق

ههههاي ....
دوووم مستانسين انشالله ...
الله يسلمك ...