مقالب الشباب اللي يسونها لاخوياهم في اول ليلة زواج

**بنت الغظيفة** · #1 10-02-2011, 10:20 AM

مقالب الشباب اللي يسونها لأخوياهم في أول ليلةزواج !! وبصراحة هاشي مهيب حالة نادرة جدا .. بالعكس ظاهرة منتشرة بين الشباب .. ولكن تختلف قوة المقلب من شخص لآخر
وفيه ناس يكتفون بعمل مقلب ليلة العرس وفيه ناس يسوون المقلب يوم الزواج قبل التوجه للقصر او في القصر ..
لكن مسألة إن المقلب يوصل لسكن الزوجين .. وفي أول ليلة !! هذي بصراحةمصيبة .. أو خلوني أقول .. قلة حي
فيه مجموعة مواقف بذكرها لكم .. وراح اترك لكم تقدير حجم ( المأساة ) في كل موقف !! بحجة .. يارجاااال ضحك واستهبااال
المواقف طبعا سمعتها من بعض الزملاء .. واترك لكم التعليق

الموقف الأول : بوكيه ورد
هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وفالآخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيهب القصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسوون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هديةمن الفندق للعرسان
اخذهاوحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
أخذالبوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
ألف ألف مبروك الزواج .. وأتمنى لك التوفيق في حياتك الجديدة
..أموله..
انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله مااعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرةثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريهازوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!
يعني خربوا عليه أول ليلة في حياتهم .. بسبب هالتصرف !!!!!
***
الموقف الثاني : خمسين ألف ريال
هذا الله يسلمكم واحد تزوج وكانت اموره كل شي زي اللوز ، وكل شي عداعلى خير
أخذ زوجته وراحوالبيتهم الجديد ... وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرناماقدرنا نبارك لك بالقصر .. لأن حنا جايين من الديرة .. وضيعنا الطريق شوي .. ويوموصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
قال انتم وصلتوا يعني ؟؟قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد واللهان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
يا ابن الحلال ... عدل بدل،، الرجاااال مصرّ الا يجون
البنت طبعا طااايرتن عيونها !! وش اللي تعالوا تعشوا عندي ..!! وش الزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
البنت تطبخ وتصيحوتقول في نفسها .. بكره أنا في بيت أهلي .. وشهالعييييييشة
يوم تعشواوخلصوا .. دخل الزوج على زوجته بالصالة .. وعطاها مبلغ 50.000 ريال فالتفضلي
قالت وش ذولي ؟؟ قالهدية لك .. بمناسبة هالموقف اللي صار اليوم !! قالت شلون وش السالفة؟؟
قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جومن الديرة ولاهم يحزنون .. الموضوع ومافيه تحدي ,, والمبلغ هذا من حقك انتي
البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذتالدراهم .. بس وش الفايدة لا خربوا أول ليلة في حياتك الجديدة !!

**لغظيفة داري** · 11-02-2011, 12:20 AM

حركااااااااااات عليهم
تسلمين على الطرح ..بس هالمواقف الحمدالله ما تصير عندنا ..

**راعي الكروزر** · 12-02-2011, 04:36 PM

تسلمين بنت الغظيفه ع الطرح الجميل
والله يوفق الجميع

**]]~إشـــراقة غمـــوض~[[** · 12-02-2011, 08:16 PM

حركاااااااااااااااااااااااات بعد !

**بطرانة..كيفي** · 12-02-2011, 08:54 PM

امحق مقالب

**الغلا** · 13-02-2011, 06:25 PM

ههههه

تسلمين الغاليه على طرح المقالب

إن شاء الله (بنت الغظيفه ) يسوون فيج مقلب في ليلة عرسج...خخخخ

**بوسعود** · 17-02-2011, 04:37 PM

هههههههههههه
شكرا ع المقالب

**بنت البدع** · 19-02-2011, 06:12 PM

هههههههههههههههههههههههههههههههههههههههههههههههههه هه
لا بعد حركاااات ثانيه يسون اونه يضربه و جي

ريايل بحركاااات

انشاله بنسوي بعرس لغظيفه داري كع كع

**& فـتـى عـاااهـن &** · 21-02-2011, 10:53 AM

وش رايك ف تشريخ كنادير العريس؟؟؟

**بنت الغظيفة** · 10-03-2011, 02:59 AM

مشكورين ع المرور الطيب..
الشيمهـ باااااهـ ماتسويهاا الغلا...لا ارووح فيهااا هع هع هع..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
زواج فيسبوكي	الشيدي	عالم حواء والطفل	0	30-08-2012 01:07 PM
حضر زواج حبيبتهـ شو قال للمعرس؟!!	بنت الغظيفة	القصص	36	21-08-2011 12:20 AM
شوفو نتيجهـ زواج الاقارب..	بنت الغظيفة	كافييه وادي عاهن	32	05-07-2011 02:57 PM