قصائد جميله

[الاشخري]

الا ياوقت وين الي على بالي يجي ويروح
هذاك الي ملك قلبي وتفكيري ووجداني
أموت بطيفه الي لا لمحته تنتشي بيروح
أحس إني إذا شفته كأني بعالم ثاني
أحبه والأمل باني في قلبي من غلاه صروح
حبيبي لو يمر طيفه يبدد ماضي أحزاني
أحبه حب لو يدري عن الي بخافقي من بوح
نساك الي الزعل وارخص حياته دون حرماني
تحملت الخطا منه وإذا أخطى بعد مسموح
حبيبي ما عليه ازعل إذا أخطى وخطاني
تذكرته وانا ناسي ونسيته والوفا مجروح
غريبة حالتي والله وهو ذكراه نسياني

[b]الحل الصعب

اسقني حب أو اسقني فرقى
ان صبرت اشقى أو هجرت اشقى
العمر يمضي والجروح تبقى
اختر الحل الصعب
يا تفارق يا تحب
لا تحدد لي مراحل لالا
يا تجيني حب يا تودعني راحل
هاذي وردة للهوى هاذي جروحك
عطني روحي سيدي أو خذها روحك
وش بقى ضاعت سنيني
يا بعد قلبي وعيني
اختر الحل الصعب
يا تفارق يا تحب
لا تتردد في غرامي لالا
ابتسامي دمع وسكوتي كلامي
افتح ايدينك لشمسي ولهبوبي
كحل عيونك بدمعي وبشحوبي
واعشق الهم الي فيني
هذا ان كانك تبيني
اختر الحل الصعب
ياتفارق يا تحب

الهدايا


اعذريني يالهدايا
لو هملتك في الزوايا
ما ني متحمل أشوفك
والي جابك مو معايا
الي جابك وينه عني
يا ترى زعلان مني
ما درى أني في غيابه
كم شكيته للمرايا
راح وخلاني لحالي
شفتي ويش سوا في حالي
خبريني ويش اسوي
لو عشق قلبه سوايا
قولي لو هو حب غيري
وش يكون اسمه مصيري
غير اموت أنا فمكاني
واترك الدنيا ورايا


أنتي مثل ما أنتي
أنتي مثل ما أنتي على كثر ما مر
أغلى البشر ما حد يسواش عندي
غلاش ما أخفيه وأقولها جهر
يا حلمي الأول وقبلي وبعدي
حروف اسمش في فؤادي لها سر
اسمش عن وصوف الملاحة يسدي
يا جفن عودٍ إن ترتبت بعثر
والأول الثالث ترا العود هندي
لش فوق حد العمر عمرٍ ولي عمر
عندش وأنتي ما بقا العمر خلدي
يا صافياً كالبدر يا عمة البدر
يا نور يا منثور فلٍ ووردي
إذا ظهرتي ساعة شفتها جهر
وأطالع الباب أنتظر إن تردي
كر الليالي والليالي لها كر
ما غيرتني وأنتي أيام سعدي
يا زينة عالبيض والحمر والسمر
ويا شوق ما أحصيه حزر وقدي
كل الليالي شفتها ليلة القدر
من يون شفتك يا غرامي وشهدي

[b]تجرحي

تجرحي باسم المحبة وبعد غيبة تسألي
يلي بجروحك كريمة من متى قلبك علي
لا تقوليلي حياتك وتاخذيني منها
ولا تهدي ذكرياتك
تسأليني عنها
الوداع آخر حروف في خفوقي شلتها
ياتموت بوسط قلبي ياأموت إن قلتها
يلي حبك في حياتي
كان حلم وانتهى
تقول الناس


تقول الناس نفسي وش بلاها
وش الي عالشقا منك حداها
ولا يدرون بلي متعبني
وعيني شالذي كثر سماها
أنا الي مهلك حالي ومالي
بشف الي نبض قلبي هواها
كثير سنين ما كفت دموعي
مدامعها وروحي في رجاها
قضيت العمر ساعة بعد ساعة
أناظر في السما بلي سناها
وأراقب زولها في كل طيفٍ
عسا يجيب بالطاريه إماها
لهيب الشوق ياكل من ضلوعي
وناري والألم زايد عطاها
وأنا وإن مت منها بلغوها
حياتي والبقية في هواها
__________________

[بنت صحار]

تسلـــــــــــــــــم أخـــــــــوي علـى القصيـــــــــــــــــــــــدة

مـا شــــاء الله لقصيـــــــــــــدة ورعــــــــــــــــــة

[قدها العيسائي]

ثــــــــــــانــــــــــــكس
ع الابداااااااااع ف الاخــــــــــــــتيــــــــــــار ياااخيييييييييو

[الاشخري]

مشكورين ع المرور