قصيدة/ تجر بشتك وسط لندن وأنا أشوف

[الطير]

تجر بشتك وسط لندن وأنا أشوف
كنّك تِمشى وسط سوق المنامه
ما تدري ان الدم واضح ومعروف
عليك من دم الخليج العلامه
من الحيا تلبس عبايه ونفنوف
لكن ما كملتها باللثامه
يا لوف قلبي لوف لوفٍ على لوف
لوف العقاب ليا انصرم للحمامه
جتني تهز الخصر والبطن ملهوف
صدر وقطا وشايلته الزعامه
ليا اقبلت يمك دخل قلبك الخوف
صويبها ما ينقلنه عظامه
واخذ الرصيف وعد بميات وولوف
ماشيٍ ومن مرك عطاك ابتسامه
ينطحك شفح بكار ومهار وخشوف
راع الغرام ومجددٍ له غرامه
في ديرةٍ في قيضها نلبس الصوف
تنزل رذايذ المطر من غمامه
فيها المناكر وأبشع الفسق مألوف
ما كن قافيها عذاب وقيامه

منقوووول
تحياتي الطير

[عاهن الخير]

قصيده رائعه من لدن شخص رائع......><
لك الشكر يا الطير ع النقل الجميل....><

[الطير]

لعفو....... عاهن الخير
مرورك شرف

[الشامخ العالي]

مبدع دائما الطير ابدااااع متواصل

[راعي الكروزر]

فيها المناكر وأبشع الفسق مألوف
ما كن قافيها عذاب وقيامه
الله يستر من تاليها
"ياللله بحسن الخاتمه"

مشكور "الطير" عالنقل الحلو

[حروف الغلا]

تسلم ع الطرح الرااااائع..^^

[جريح المشاعر]

أيـــــــــــــــــــــــــــــــــــــــــــــــ بالله .. تسلم ..

[قدها العيسائي]

امم احلى مكان عندي لندن
بالنسبه لي بلد الحبايب
ومشكووووور قصيدتك روعه يالطير