كلمات غظيفاوية

[صاحب السمو]

السلام عليكم..........
كيفكم خوواني وخوااتي؟؟؟علومكم؟؟
ان شاء الله كل شي تمام التمام وياكم........

اليوووم جاب لكم كلمات غظيفاوية بحتــــــــــــــــــة..وفي بعض من هالكلمات تستخدم في بعض الولايات فعمان..
وتقريبا هذه الكلمات نفسها في المناطق الجبلية...

وهذه هنه الكلمااات>>>>>>>
الدعنة>>الأرض
ما يزجي>>ما يستوي او ما يصير
قفى عني>>راح عني وخلاني بدون لا يخبرني
حدر او قحم(في صيغة الامر)>>نزل
ربع>>ركض
هاجع>>جالس ما يتحرك
صاخ>>هادي ما يتكلم
هورة>>ازعاج
يتصعصع(مثلا:عبوود يالس يتصعصع)>>يعني يالس يشرب قهوة (من فترة ع الدلة)
لعوان>>يسولف وما يسكت
سيل>>مطر(معرووفة) لكن السيل القوي يسمى>>مخيلة
بطيت>>تاخرت
زخ>>امسك
يتشقق>>يصارخ
جرى(في صيغة الامر)مثلا:جرى شويه ابا اجلس>>زحف
متفرشخ>>يالس ع راحته وبالجلسة الي يباهاا
صفن(في صيغة الامر)<<اوقف
لا تتزحزح>>لا تتحرك
ينقي>>يختار
انتزق>>خاف
تفيقت>>فضيت
ع فاقتك>>ع راحتك
شطفة>>جزء بسيط
طشه>>شوي
دهديه>>بسرعة
زبر>>زعل
ينوج>>يبكي
يتسحج>>يتمشط
يتفقفق>>يضحك بصوت عالي
يتساسخوا>>يتساسروا
يندعر>>يتكلم بصوت عالي
يرحه او يدبغه او يرنه>>يعني يضربه
شبقة>>لزقه
يفتن عليه>>ينازعة


والسموحة هذا الي اذكرهن...يعني الحين ما عندي كلمات..
وشي طيب اذا انتوا بعد بضيفوا كلمات من عندكم وتوضحون معناتهن........

[s.o.s]

مشكور عبود ع الموضوع
يعطيك العافيه

[صاحب السمو]

العفووو..
الله يسلمك يا s.o.s........

[أرواح مهاجرة]

مشكور أخي عبوود على الكلمات ..

والأحلى مسويلها ترجمة ..

يوم اتذكر كلمات برد بس انته ما داعي شي ..

[صاحب السمو]

العفووو يا ارواح مهاجرة.........
لااااا,في واايد كلمات..يوم بتحصلينهن ذكريهن..يعطيج العافية ع المروور..

[كحيلان]

والله طلعت جعاري يا عبوود ما حد يقدر عليك :d

وأحلى تقييم لك .. يالله أستانس

[بنت الغظيفة]

واللهـ أحلي الكلمااات... (فديتهاا الغظيفهــ وفديت بلادي أناا)

[لغظيفة داري]

ما شاء الله عليك يا عبود ..
وش احلى من لهجتنا الحلوه .
احسن نمارسها قدام الغرب اللي ما يعرفوها بس لا يفكرونا نسبهم...

[ولد الوادي]

مشكورعبووود ع الكلمااات.. يعطيك العاافيهـ.. بس ليش مااا قلت كلماات وادي عاهن لكل يرمس هالرمسهـ هب بس الغظيفهـ...

[أرواح مهاجرة]

صدقه ولد الوادي أخي عبوود ..

هذا كلام هل عاهن كلهم ..

وذكرني بكلمة رمسه ..

فأهل وادي عاهن يقولوا ..

رامسين .. يعني سهرانين ..

ما صح ؟