كسر الحواجب

[المقبالي]

*كسر الحواجب*

هـلا وينـه؟ بيسـألني عن الحــال
هـلا والله عســاه يــدوم لــه خيـر

عســاه يكــون دوم مريِّـح البـال
افديه بعيوني ولا سْأل عن الغير

حشيم قدره عالـي الشـان متعـال
لـه منـزله مفنود فيها عن الغيــر

فـي وقفتـه متميِّــز بعـدَّة خصـال
ينقش فوَادي ويجعل الخاطر سِهير

نَظْرَتْه تحـرقنـي وترمي بالانبـال
وتشدِّ عزمي حتى ترميني ضرير

احـاول اتقرب وأحـس انه محـال
هــذا البشــر خلاني فحبــه اسيــر

اسير مجنونن على روس الجبال
متولًّعٍّ واخبط براسي وين اسيــر؟

اطلبـك يا حـامِل مراسِيمَ الـدلال
لا تًشْعلَنِّي وتَتْرِك الخاطـر سِعـير

واكسرحواجب بينِنَا تَبْنِي وصال
كسر الحواجب يجعل المهجة يسير

ما قلت ربِّي كيف ذاك العـود ميَّـال
ولا قـول ذاك المشـي فيه التِّبَخْتِـيْرْ

بقول انَّـه عزيـزمحشـومن وينقـال
بين العرب معروف عنَّه الحسن والخير

كلمات.. محمد المقبالي