احساس طفلة

**MESSI** · #1 15-04-2011, 02:21 AM

(( أحساس طفله ))

يابنت وجـه الخيـر بيّـن ومعـروف لـو ماتكلـم شافـت النـاس خـيـره

والوجه الاقشر ماهو بحاجة اوصـوف يبـان حـتـى للعـيـون الضـريـره

من عاش يتبع خطـوة المـال ملهـوف رزقٍ كتـبـه الله .. مافـيـه غـيـره

الخوف لو ينفع .. نفع صاحب الخوف اللـي علـى حقـه يدينـه قصـيـره

الضعف ماغيّر قـدر نـاسٍ ضعـوف عاشت صغيره ويـوم ماتـت صغيـره

كلمة احبك بس مـن اربـع حـروف وتحكـي احاسيـس ومشاعـر كثيـره

الحب اكبر من سهـر ليـل وطيـوف ماتفهمـه حتـى القلـوب الكسـيـره

تدرين اصدق حب يطلع مـن الجـوف حب الفقير اللـي عشـق لـه فقيـره

احلامهم تكبـر مـن ملامـس كفـوف وتكبر من اشـواق العشيـر لعشيـره

كنه معاها لو علـى ضلـع مكشـوف داخـل قصـر يجمـع اميـر واميـره

احساسهم صادق بـلا كـذب وزيـوف كلـن يقـول اللـي يريّـح ضمـيـره

احساس طفلـه عندهـا العيـد نفنـوف تظـن مـن تلبسـه صـارت كبـيـره

وانا لحالي مجابه صفـوف وصفـوف واليا خسـرت اقـول فـدوه وخيـره

اطيح ووقف وابعد الشـوف واطـوف اخـذ قليـل الـزاد وارحـل لـديـره

اترك كثير الزاد واكسـب ماعـروف تـرك الكثيـر يجملـك فـي مصيـره

يمكن يجيه انسان هالك مـن صـدوف يلقـا مـن اللـي تاركـه مايجـيـره

شايف من الدنيا وعايف بشـر عـوف اجنـاب والا مـن رجـال العشـيـره

مرت علي اظروف واظروف واظروف ماريحـت حتـى العيـون السهـيـره

وللحين راسي راس وكتوفـي كتـوف ماغيّـرت مـنـي ليـالـن عسـيـره

مدام فينـي حيـل وعيونـي تشـوف والله معيّشـنـي بحـالـه سـتـيـره

والله لستقبـل علـى بابـي ضـيـوف لـو مـا املـك الا دلتيـن وحصيـره

للشاعر ثامر شبيب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياليت عندي قلب ماعنده احساس	walhan	عذب القوافي	0	21-02-2012 12:20 PM
طفلة سوف تبكيكم خشوعآ......	شمؤؤخي تعدااكـ	الصوتيات والمرئيات الإسلامية	8	22-11-2011 05:52 PM
طفلة صغيرة تحرج مدرسة بسؤال	الطير	القصص	10	11-07-2011 10:41 AM