أبا رنج يابووويه صدقني والله رخيص ჯ ღ.

**طموحي انساك** · #1 07-04-2011, 10:06 PM

السلـآآآم عليكم ..
شحالكم؟؟ عساكم بخير ...
قريت قصه تموت ضحك وأبيكم تقرونها ههههه
قصّـــــــــــــــــــة
قال سلوم ذات يوم لأبيه متسائلاً : مايصير أبويه نشتري بيت في القمر ؟
الأب : يصير أبويه بس ماشي فلوس ؟
سلوم : بكم يعني بميه ؟
الأب : هيه أمية مليون ؟
سلوم : عثره !! صدقك ولا تمزح ..
الأب : لا صدق ..
سلوم : الله يقطع مدير البلديه الخلافه ..((مادري شو يخص مدير البلديه ((
الأب :شحقه تسأل إنته ؟ ماتباها بوظبي ؟ ولا هب عايبنك بيتنا هذا ؟
سلوم : لا أبويه بس الزلمه اللي عدال بيتنا ماخذين بيت في راس يبل في فرنسا عاد قلت أنا
لازم أيي من معاليه لازم أوايق عليه من فوق وماشي فوق اليبل غير القمر ..
الأب : منو قالك أنه زلمه هذا مواطن .. جوازه نفس لون جوازك .. خلاص مافيه فرق ..
سلوم : يخسي .. زلمه مايعرف يرمس ..
الأب : لو كل واحد مايعرف يرمس هب مواطن شعب الإمارات مايتعدى
عشرة آلاف ياولديه .. بعدين مع الوقت بيتعلمون الرمسه وبيغدون شراتنا ..
سلوم :يعني نحن كنا زلمات أبويه ؟
الأب :تهبي يا السبال ..
سلوم :وين ما فيه فرق ونفس اللون الحين تهبي ..
الأب :مهما كان يدّك السابع عشر مدفون هنيه >..
سلوم :والزلمه يدّه السابع عشر مدفون وين ؟
الأب :في بلاده الله يرحمه ..
سلوم :بس هو عنده فلوس وايد وأنته زطي ..
الأب :عادي شو المشكله .. أهم شي الأصل ..
سلوم :عنده بورش عليها كت هامان .. وأنته ذبحتنا بالنيسان موديل
99 وحاط عليه Vtc ..
الأب :فيه مكيف ورا ولا مافيه ...؟؟
سلوم :فيه ..
الأب : بس جب عيل ..
سلوم:يلبس باشوتي أنته تلبس نورس ..
الأب :شو دراك أنه أصلي يمكن يكون تقليد ..
سلوم:يدوخ دوفي دوف إنته تدوخ مدواخ ..
الأب :وده هو يدوخ مدواخ لو يروم له جان داخ .. يباله رياييل ..
سلوم :أنزين أبويه نبا نسافر ملينا كل صيف تودينا ليوا نسوي برونزاج ونرد ..
الأب :وين تبا تسافر يعني ؟؟
سلوم :جنيف , باريس , لندن .. مكان حي ذا الويه .. يتشاهد ..
هب ليوا شهيق وزفير لاهوب وعي ..
الأب :أنا من زمان بعد أفكر أوديكم صلاله بس أمك الله يهديها معانده ماتبا تخسرني أونها ..
سلوم :أبويه حرام عليك .. أقو لك باريس تقولي صلاله ؟
الأب :كيف باريس هب ف عمان ؟
سلوم :لا أبويه باريس في زنجبار ..
الأب :أنزين وين عنها تراها ألا حولها<
سلوم :أنزين أبويه أبا سياره ..
الأب : شبلاه الكلوزر ؟؟
سلوم :كسّر ظهريه .. شبلاه بعد .. هذي سيارة طالب في محو ! الأميه هب في الثانويه ..
الأب : أييييييه .. يوم أنا كبرك .. أسوق التناكر الكبار والبد فرت عشره غيار وأنته هذا غالبنك لاتسوقه ..
سلوم : هييه غالبني .. أنته الرجل الحديدي .. أنا ولد الماما ..
خذ لي سياره ..
الأب :شو تبا من السيايير ؟
سلوم :سياره رخيصه وزينه وحلوه وإقتصاديه في البترول وفور ويل ..
الأب :إنته تبا سياره ولا تبا تسويلها دعايه !!
سلوم :لازم أمهد عشان ماتنصدم ..
الأب :لا من ناحية الصدمات متعود ...
سلوم :أبا رنج سبورت ..
الأب :بس ؟؟
سلوم :هيه بس والله العظيم وراس أمي وراسك أنه بس ..
الأب :أشوفه هب لين هناك .. شو رايك ناخذ الفراري الإنزو اليديده ..
سلوم :لاحرام أبويه وايد غاليه ..
الأب :أونك تدور الرخص يوم تبا الرنج إنته ..
سلوم :لا بس سعر معقول ..
الأب :تدري لو نبيع البوش والهوش وأمك مايمعنا فلوسه هذا ..
سلوم :شمعنى طريت أمي معاهن يعني ؟
الأب : نفس الفصيله ..
سلوم : يعني أنا ولد العنز ..
الأب :لا والله انا التيس دامني أرمس وياك ؟؟

هههههههه

**شـبيه الــريــــح** · 09-04-2011, 11:38 AM

هههههههههه

خووووووووش قصة

**طموحي انساك** · 09-04-2011, 03:49 PM

مشكوؤوؤوؤوؤوؤر ع المروؤووؤوؤوؤوؤوؤوؤور

تسلم شبيه الريح ...

**& فـتـى عـاااهـن &** · 10-04-2011, 02:53 PM

خخخخخخخخخخخخخخخخخخ

هع هع هع

مشكوووووووووووووووووووووووووووورة

**طموحي انساك** · 10-04-2011, 03:47 PM

العفوؤوؤوؤوؤوؤو ..

تسلم ع المروؤوؤوؤوؤوؤر ...

**جـار القمــر** · 10-04-2011, 04:10 PM

قصه منيحه ومهضومه
تسلميلي ع الطرح خيتو

**ابن العز** · 10-04-2011, 04:47 PM

هاهاهاهاهاهي .. والله هالولد فلللللللللللللله ....
تشكرررررررررررات طموحي ...

**بـــقايـــا مسـ˚ஐ˚ــافــر** · 06-06-2011, 07:23 PM

تشكري أختي على الطرح

**جـــســـاس** · 12-06-2011, 07:22 PM

شكككككككرررررااااااا
تسلمي ع الموضوع
تقبلي مروري

**عاهن الخير** · 13-06-2011, 03:59 PM

ههه
تسلمي ع الموضوع.><

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا حرام والله	لطيف الروح81	المنتدى العام	0	18-09-2012 01:30 AM
.. كـ ـ ـ ـ ــنـ ღ رائعـ ـ ـ ـ ـ ـــاً ..ღ ..	§ غريب الدار §	المنتدى العام	3	24-07-2012 10:07 PM
ღالوحده هو ليس ان تبقى وحيدآ وانما ان يبقى قلبك وحيدآღ_‗ـ−¯«Ξ	عاشقه المستحيل	المنتدى العام	0	12-12-2011 02:45 PM
ღミ★ミღعندما يزرع الأمل بكذبةღミ★ミღ	الريـــم	المنتدى العام	11	17-10-2011 12:08 AM
والله حلوه القصيده.....	بنت الاشخري	عذب القوافي	3	05-07-2011 01:23 PM