جيش المشــــــاعر

[أبوراشد العيسائي]

يا صاحبي جيش المشــاعر لك انقاد
شــكل هجوم ومقصده بالغنيمه
نصبت فيه القلب قــــــايد ولا عاد
مأســــــــور وأنته في المحبه غريمه
قـــــوات وجد تجمعت دونها أعداد
غرام ما يخشــــــى اللقاء والهزيمه
جندت من زود الوله ســـــرب قصاد
ســـــــــرب الموده والتصافي نديمه
حركت من بعده لواء الود إســـناد
وإسـناد جوي يظل ع الوصل غيمه
وجيش المشــاعر عاد من غير معياد
بأصفاد حزن وبه مآســــي عظيمه
وفي الحال يا فيلق غــرامي وقصاد
بجنود شــــــوقٍ في المحبه كريمه
قله لزيمك من عنــــاء البعد فأجهاد
وأكبر شرف له كان بعدك لزيمه
هديت حيلي والرجــــاء فيك ما فاد
حــــــــالي بعد فرقاك ربي عليمه
الجو غايم بــــــس في القلب وقـّاد
وأحلى المشـاعر في بعادك سقيمه
الإحسـاس فيني يموت والوجد إن زاد
تطغى علـى قلبي عواطف عقيمه
رديت فيك الشـــان يا شان الأجواد
تعطق على حب القلــوب الرحيمه
الزير في حربه قضى ســنين بأعداد
وأنا في حــــرب الود خذت الظليمه
إن كان شوقك لي مدينه فأنا بلاد
طـــــال أنتظاري والعواقب وخيمه
جيش المشـــاعر يا لزيمي لك أنقاد
شـــكل هجوم وما ظفر بالغنيمه

[كاسر التيم]

صح لسانك يابو راشد


كلمات ف قمة الروعة و الابداع

[أبوراشد العيسائي]

شكرا ... كاسر التيم ...
مرورك أسعدني

[راعي الكروزر]

ابدااااع أبو راشد
صح لسانك

[سفانة]

ما شاء الله قصيدة راائعة .. تسلم أبو راشد وصح لسانك

[ولد صحار]

قصيده جميله ابو راشد

[أبو الريم]

صح لسانك أبو راشد العيسائي

والله يكون في عونك في حرب المشاعر اللي خسرت فيها

[أبوراشد العيسائي]

للجميع تحياتي
شكرا للمرور الجميل