قصيدة في خاطرك حاجه

[بنت الاشخري]

بسم الله الرحمن الرحيم
السلام عليكم ورحمة الله وبركاته

قصيدة في خاطرك حاجة
من أشعار
سمو الشيخ حمدان بن محمد بن راشد ال مكتوم
فزاع

وش فيه بالك بعـيد وجالـس تـفكـّر
بدري على الحزن ، توّك في بداياتك

لا تحسب الوقت لي فاتك وتتـذكـّر
عـمر الـزمن ما يرد الوقت لي فاتـك

لا تـترك الـدمع فـوق الخـد يتحـدّر
حاسب ترى كل عمري فوق وجناتـك

يا نور عيني مدام العـين بك تـنظر
حـرام تـبخـل على خـلـّك بنـظـراتـك

ما شفت كيف القمر عقب الظلام انور
بالضبط نفس الشعور ان شفت بسماتك

إن كان في خاطرك حاجه عليّ ابشر
والله لا اسـوق العمر كلـّه لمرضاتـك

ما تدري انـّك إذا تكـدّرت انا اتكـدّر
وافرح لاجل فرحتك واشره لشرهاتك

عوّدتني ع السهر وامسيت ما تسهر
ما غير طيفـك يعـوّضني بسهـراتـك

أحـلى سنيـن العـمر بلـقاك تـتعـطـّر
يا دنيـتي وابـرك الـساعات ساعاتـك

يمر طيفك واضمّك وارجع استغـفر
وارد اشوفـك واقـول الله ما احـلاتـك

[MESSI]

عوّدتني ع السهر وامسيت ما تسهر
ما غير طيفـك يعـوّضني بسهـراتـك

تسلم ايدك ع النقل ،
ودائما فزاع رائع بقصائده

[بنت الاشخري]

مشكووووور على المروورالطيب

[لغظيفة داري]

قصيدة رائعة لشاعر مبدع
تسلمين على النقل ..

[& فـتـى عـاااهـن &]

إبداع في إبداع..

[عظيم الشوق]

ما شفت كيف القمر عقب الظلام انور
بالضبط نفس الشعور ان شفت بسماتك

قصيد جميله ومعبره

[الاشخري]

اشكرك ع الطرح