أقوى قصيدة في الخيانه

[شومبيه]

هلا اعزائي ... هذي اجمل قصيدة قراتها في الخيانه وأتمنى أن تنال على إعجابكم ..

"مليت جرحك وتبريرك وموالك
تخطي وترجع تعتذر الأجل ترضيني"


"إن كان جرح القلوب البيض يهنالك
يموت حبك ولا تنزف شراييني "


"يموت قلبي ضما وأموت أنا هالك
ولا اشرب الذل بيدينك وتسقيني"


"غرورك أعماك تحلم تبني آمالك
نهايتك جت بيدك قبل تنهيني"


"والله لاانت ولاعشره من امثالك
تخضع له النفس ويفكر يمشيني"


"اول معك كنت وافي واعشق ضلالك
ياما نصحتك ولكن ما سمعتيني"


"اليوم ماهمني لوكنت في بالك
ماني بظالم ولكنك ظلمتيني"


"في واقع الأمر ماني بااصغر عيالك
رباني الوقت لاتحلم تربيني"



"غلاك مات ابتعد وافراقك اشوالك
لاترتجي الدمع واحذر لاتعزيني"


"ماينزل الدمع لاامثالك ولشكالك
اصلا من تكون حتى تفقدك عيني"


"نهايتك ترجمة لك واقع افعالك
تعبت اوضح ولكن مافهمتيني"


"لاعاد تحلم يجي رقمي بجوالك
والله مااخضع ولو ترقص شياطيني"


"ابي اتركك للندم وافكار عذالك
ماهمني عاذلك وانتي خسرتيني"


"خسرت نفسك ومضنونك وتمثالك
خسارتك للاسف ماعاد تعنيني"


"خلاص ابي ارتاح غادر والسعد فالك
لاترفع الصوت وتفكر تناديني"

[عاهن الخير]

"لاعاد تحلم يجي رقمي بجوالك
والله مااخضع ولو ترقص شياطيني"


تسلم شومبيهـ.
قصيده روعهـ.
كروعتكــ.

[ملك بكبريائي]

خسرت نفسك ومضنونك وتمثالك
خسارتك للأسف ما عـــاد تعنيني

انتقاء أكثر من جميل
سلمت يدك

[شومبيه]

المشاركة الأصلية كتبت بواسطة عاهن الخير

"لاعاد تحلم يجي رقمي بجوالك
والله مااخضع ولو ترقص شياطيني"


تسلم شومبيهـ.
قصيده روعهـ.
كروعتكــ.

يسلم غاليك عااهن الخير
مرورك الأروع والأجمل
تقبل شكري

[شومبيه]

المشاركة الأصلية كتبت بواسطة ملك بكبريائي

خسرت نفسك ومضنونك وتمثالك
خسارتك للأسف ما عـــاد تعنيني

انتقاء أكثر من جميل
سلمت يدك

ملك كبريائي الأجمل هوه مرورك وتعلقك وتقيمك للقصيده
اسعدني كثيرا تواجدك
حفظك الرحمن