من أجمل القصائد التي قراتها

[شومبيه]

من اجمل القصائد اللى اعجبتني بعنوان (خلاص)


ياصغيّر السن قدرك طاحـت أبراجـه
الجرح خلّى الصخر ينطـق ونطقّنـي

خلاص ماعاد تعنـي لـي ولا حاجـة
رح.. جعل ربـي يوفقـك ويوفقنـي

من بعد ماكنت نور العمـر وسراجـه
اليوم صرت الظـلام اللـي يطوقنـي

عطيتك أكثر من اللي كنـت تحتاجـه
أسرفت فـ( الحب) ..لين الحب وهقني

خلاص.. مالي ومال الحب وإزعاجـه
مالي ومال الـدروب اللـي تضايقنـي

تعبت أضمّ البحـر وأهـدِّي أمواجـه
تعبت أجامل و أشوف الوقت يسرقنـي

شكواي للي عليه الضيـق و إفراجـه
اللي إذا شـاء.. يرحمنـي ويرزقنـي

أما أنت يابـو جبيـنٍ عقّّـد حجاجـه
لاعاد تسأل: "علامك ما أنت طايقني ؟"

النـاس كـلٍ علـى دربـه ومنهاجـه
وأنا عن النـاس مابـه شـي يفرقنـي

إلا أني دايم أحب الصـدق وأواجـه
مخلوق .. و الله على هالوضع خالقني

حتى رفيقي ضماد الجـرح وعلاجـه
على كثر ما أتمّسك فيه .. صدقّنـي ..

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي

أتمنى ان تنال على اعجابكم

[نهــال]

من بعد ماكنت نور العمـر وسراجـه
اليوم صرت الظـلام اللـي يطوقنـي

ذوق شعري رااقي تتمتع به يــا شومبيه

قصيدة رائعه ونقل موفق أخي الكريم ,,,,

تقبل مروري

[شومبيه]

الذوق ذوقك اختي الكريمه
مرورك الجميل نور موضوعي واسعد قلبي

[أبو الريم]

أختيار موفق لهذه القصيدة الرائعة

ولا هنت على النقل يا شومبيه

[شومبيه]

شهادتك وسااام على صدري ابو الريم
لاهانت أيامك ولا هانوا محبينك
الحين نورت صفحتي بمرورك الراقي

[ملك بكبريائي]

لو أدري أنه مرافقني على حاجه
لامسكه حاجته وآقول فارقني

قصيده جميله اخي العزيز
دمت بود

[شومبيه]

المشاركة الأصلية كتبت بواسطة ملك بكبريائي

لو أدري أنه مرافقني على حاجه
لامسكه حاجته وآقول فارقني

قصيده جميله اخي العزيز
دمت بود

شكرا على المرور اخي الكريم
اسعدني تواجدك...