شــوف برجــك بالعمانــي......

**مطلع الشمس** · #1 06-08-2011, 04:25 AM

انت وين برجك عسى ما يكون زنوبه؟؟؟؟؟؟

برج الكند: مواليد شهر واحد

الأوضاع الفلكية عندك ما أوكيه.. بيجوك ناس غريبين البيت بس ما واضحين عندي أوكيه..
حظك حلو الساعة 8:23 فالليل.. بتجيك حكه بس لاتحك واجد تقريبا بعد صلاة المغرب مباشرة..
لاتواجه المشكلات بمشكلات..

برج البقرة:مواليد شهر اثنين
انته اليوم قريف انطب مكانك فالبيت عن يجيك شي..واذا كنت من هواة التغيير او المجازفين حاول ما تتطلع من نطاق البيت
..وحاول تخلص شغلك بسرعة ولا تراك اطيح فخبة ماتقدر تطلع منها.

قصة حبك اللي انته الحين عايشنها راح تنتهي قريب هذا ظاهر عندي في فلكك الغرامي..
بأختصار انته مقورف صح اليوم.

برج التخميس:مواليد شهر ثلاثة
الجبان عندك سفرة قريبة بعد كمين يوم..
واحتمال كبير اتربح فلوس من ارض.. عندك علاقات حلوة مع حبابيك.. اذا كان حد محظوظ فهذا الدنيا فهو انته...
بيحاولوا اصدقاء العمل يرقصوا اليوم بس ماتندمج معهم واجد.. خفها لحيتك شوية تطلع اشخص.

برج البلاستيشن:مواليد شهر اربعة

تراك زودتها ماحد يطيقك البر ..مامبقي حد مامطفربه..و ريحة ثمك الخايس تشعوط من مسافة كيلوين.. ومخاطك مخاط .. اتسبح شوية..
ظاهر عندي انه عندك ركود عاطفي نفس الشي..الحبيب لا تسكّر بابكم بكرة شكلهم الشماج زايرينكم وجايبين معهم كراتين موز وبرتقال وتفاح وحلو..

برج ريال مدريد:مواليد شهر خمسة

ماكل مرة تسلم الجرة... ايكشفوك اليوم..حاول ماتسوي شي..صحتك ما أوكيه و ممكن تصاب بزكمة ولا التهاب فالحلق.. لاتحاول تنكت ..نكتك كلهن بايخات ولا تدخل تخمس.. عندك طاقة رومنسية مغناطيسية بكره صباحية العيد اتشوفهم منجذبين صوبك..

برج برشلونة:مواليد شهر ستة

انته انسان مرتب وحبوب ورومنسي عندك اندفاعات وشايف نفسك شوية هذا التفاخر والتباهي بالنفس...راح يجي كله على راسك..
احتمال ايضربوك بعين...عندك تغيرات عاطفية بشكل كبير حاول تتقبلهن حبه حبه...

برج الخبب:مواليد شهر سبعة
نجومك تتغير كل مرة مكان ماقدرت افهم شخصيتك .. سمحلي عاد.

برج سيح الكدس:مواليد شهر ثمانية
خلك متأكد ان حياتك حلوة وماكل بو يقال تصدقة... حاول لاتسولف بعد الساعة11 لأنك تبدي تقول كلام ماينفهم وتجلس تضحك....
مشاعرك راح تفرض نفسها عليك..
ماشي فايدة تنظفها سيارتك لأنه بيحطهن عليها 8حمامات بو رسايل ويخزقن عليها..

برج الحنى :مواليد شهر تسعة
ماتجلس تكرف عمرك مو وازنك... وتجلس تكتب مواضيع وشاقي عمرك... عندك خلافات زوجية ...
ينبغي عليك انك تفكر بعقلانية وتشوف الصح من الغلط... وصلاة الفجر بو فايتاتنك بو كيمن سنة احسنلك تصليهن .... عندك خبر مفاجأ بس ماظهر عندي ويش هو..

برج الجدي:مواليد شهر عشرة

لاتخاف من الماضي.. اتبع الصراحة المتملقة ..
بيجنك فرص حاول تستغلهن .. عندك مشكلة نفسية وانا بحللك اياه على الخاص...
انته انسان مبدع ومميز وتلاحظ هذا الشي اليوم بحدود الساعة6:59دقيقة... بيجيك هندي يحاول يتعرف عليك ..لاتخاف منه جايبلك شي حلو..

برج الديشي:مواليد شهر 11

ياسلام ياسلام..ياليتني كنت من اصحاب هذا البرج...عندك حظ مامعقولة كيف...
انصحك انك ماتلعي واجد ولا تراك اتشل بجونية مركز الشرطة... دشداشتك بو العيد لاتكويها ...
التكرفيسة فيها سر .نظارتك بتغيب بس بتطلعك نظارة مجان
وبقيمة خيالية ...
بالمختصر محظوظ بمعنى الكلمة.

برج الزنوبة:مواليد شهر12

نفس الشي ماظهرن نجومك عندي

**عزام** · 06-08-2011, 03:08 PM

هههههههههههههه هذا برجي بالعماني نقره لعرض الصورة في صفحة مستقلة

برج سيح الكدس:مواليد شهر ثمانية
خلك متأكد ان حياتك حلوة وماكل بو يقال تصدقة... حاول لاتسولف بعد الساعة11 لأنك تبدي تقول كلام ماينفهم وتجلس تضحك....
مشاعرك راح تفرض نفسها عليك..
ماشي فايدة تنظفها سيارتك لأنه بيحطهن عليها 8حمامات بو رسايل ويخزقن عليها..

شكرا عالطرح

**مطلع الشمس** · 06-08-2011, 03:11 PM

عزام نورت الصفحه........
تسلم على المرور الطيب....

**مطلع الشمس** · 08-08-2011, 12:16 PM

افااااااااااااااااا خيتوووووووو ما توقعت هذا الكلام ............

مرورك الغاليه اسعدني...........

**مطلع الشمس** · 08-08-2011, 03:25 PM

لا اعدميههههههههههههههههاااااااااااااااا ههههههههههههههههههههههههههااااااي

**الــــــوحــــــيد** · 26-09-2011, 01:03 PM

مشكور ع الطرح

**الجوهرة** · 29-09-2011, 04:08 PM

برج الجدي:مواليد شهر عشرة

لاتخاف من الماضي.. اتبع الصراحة المتملقة ..
بيجنك فرص حاول تستغلهن .. عندك مشكلة نفسية وانا بحللك اياه على الخاص...
انته انسان مبدع ومميز وتلاحظ هذا الشي اليوم بحدود الساعة6:59دقيقة... بيجيك هندي يحاول يتعرف عليك ..لاتخاف منه جايبلك شي حلو..

فديت شهر أكتوبرأنا
ما خفت من الهندي
كانت المفاجأة غنية هندية
روعة
تسلم ع الموضوع