رحــــلة شيـــبتـكم

**شيبتكم** · #1 07-09-2011, 12:31 AM

بسم الله الرحمن الرحيم

حيبكم ولادي وجميع لمنتسبين فهذا المنتدى الرايع

فيوم من الايام بتاريخ 6 / 9 / 2011 يوافق يوم الثلاثاء الغبشة

قلت بطلع أتلق شوي وارفه عن نفسي وقلت ما يردني غير الوادي

وطلعنا أنا وحد من الاخوة جزاه الله خير ساعدني بشلول الشغنة

وحج بحاجة قلت بقدم شي ولو بسيط حل هذا المنتدى الغاوي

قلت بصورلكم الرحلة من يوم شتلينا لين حل الرجعة

وحبيت اعرفكم بـ بعض من الاشجار الماجودة والمنتشرة فالوادي

فالبداية هذا الطريق بو سلكناه

ومن غدفنا ع الوادي قلت بسبر الفلج كان خدموه العمال درست ولا !!

طبعا أول الاشجار اللي صورتها حلكم هي " السمرة "

وهذي طبعا شجرة " العسبق "

وعندكم " الشكاع " اللي فكل ظهرة تحصله

وما ننسى " الغـــاف " اللي ما شاء الله يتواجد بكثرة بالوادي ..

طبعا مشينا ومشينا وحصلنا راس ع الدرب ما معلوم من شالنه ومن هين..!!

عجبني هذا المنظر الغاوي بصراحة وقلت بصوره

طبعا هذي الشجيرة أسمها " قرنفل "

وهذي " الظفرة " اللي نستخدمها أول يوم حد ينكسر ولا فيه نفداع ...

وطبعا هذا يسمى " شخر " ويستخدموه الاوليين حل لجروح

وحنا وماشين نتبه حد من الاخوه على هذي
الزنوبة مخباية ما معلوم من كم سنة.!!

وعندكم هذي شجرة " القفص "

وهذا معروف بال " الخفج "

جينا على هذي السمرة وتذكرت حاطبنها يوم كنت فعز شبابي

ومن ما يعرف " الحلف "

وهذي شجرة يسموها جدودكم " جيش " فيها بذر وطعم ح الطيور ..!!

"
"
"
"
يتبع

**شيبتكم** · 07-09-2011, 12:36 AM

فجأة كنا ماشين وحصلنا هذي السكين قديمة وشالنها الوادي

لاكن بصراحة ما ورى عليها فيها من ريحة الاوليين..

احم احم وهذا طبعا " الحنضل "

وهذي الشجرة تسمى بال " المهتدي "

ما ننسى " الحرمل " المنتشر واجد ف الوادي

عندكم الـ " الشوع "

والشجرة الحلوة هذي تسمى " عصمت "

وهذي " شبه " توجد ف الوادي

وهذي صورة ثانية لمنظر غاوي صورته

ما ننسى " النسل " اللي ينبت قريب الوادي

وهذي شجرة " الـسيب " أيضا تنبت على ضفة الوادي

فالنهاية أهدي جميع الاعضاء المنتسبين فهذا الموقع
الغاوي هذه التحفه البسيطة ..

الشكر الجزيل للأخ " بقايــا مـسافـر "

والسلام عليكم ورحمة الله وبركاته

أرواح مهاجرة · 07-09-2011, 12:50 AM

موضوع رائع .. وتوثيق جيد لكل هذه الأشجار والشجيرات

مبدع الشيبه ما شاء الله عليك ..

الله يعطيك العافيه

**أبو الريم** · 07-09-2011, 01:30 AM

أبدعت موضوع جدا شيق

ما شاء الله عليك يا الشيبه .. موضوع بيفيد الكثير في التعريف على الأشجار والأعشاب الجبلية

شكرا على سردك المميز

**سفانة** · 07-09-2011, 11:29 AM

ماشاء الله عليك شيبتنا الله يعطيك الصحة والعافية والصور واجد حلوات وحلو هذا التوقيع إلي بالحصى بس لو ضايف كلمتين بعد للتاكيد ( شيبتكم مر من هنا)شكرا لك الشيبه والشكر موصول لبقايا مسافر

**مطلع الشمس** · 07-09-2011, 12:18 PM

عمي الشيبه تسلم ع الصور الرائعه والمعلوومات القيمه لي حمتلهاااا تلك الصوور .....

والوادي قمت الابداااااااع ....بس شووو اسم الوادي ..........

والله صرت ياعمي مصور فوتوغرافي.......تسلم ع الابداع ف الطرح.....

**عاهن الخير** · 07-09-2011, 02:14 PM

تسلم صاحبي نته وبقايا مسافر.
تراكم ما عليكم زود.
مبدعيين ما شاء الله عليكم.
بس صاحبي مره ثانيه خبرني يوم تبوا تسيروا بروح معكم.

**شيبتكم** · 07-09-2011, 03:23 PM

اقتباس:

المشاركة الأصلية كتبت بواسطة أرواح مهاجرة

موضوع رائع .. وتوثيق جيد لكل هذه الأشجار والشجيرات

مبدع الشيبه ما شاء الله عليك ..

الله يعطيك العافيه

مشكووره بنتي " أرواح مهاجرة " عـ الخطووف ...

و واجب عليي إني أعرفكم على هذي الأشجاار بماا إني شيبتكم...

اقتباس:

المشاركة الأصلية كتبت بواسطة أبو الريم

أبدعت موضوع جدا شيق

ما شاء الله عليك يا الشيبه .. موضوع بيفيد الكثير في التعريف على الأشجار والأعشاب الجبلية

شكرا على سردك المميز

مشكوور ولدي " أبو الريم " عـ الخطوف ...

وأناا أتمنئ إن الجميع يستفيد ...

وترااهن هذي الأشجاار ولدي شي منهن إذاا ماا كلهن يستخدمن كـ أدويه ...

وإن شااء الله تستفيدوا منهن ...

اقتباس:

المشاركة الأصلية كتبت بواسطة سفانة

ماشاء الله عليك شيبتنا الله يعطيك الصحة والعافية والصور واجد حلوات وحلو هذا التوقيع إلي بالحصى بس لو ضايف كلمتين بعد للتاكيد ( شيبتكم مر من هنا)شكرا لك الشيبه والشكر موصول لبقايا مسافر

مشكوره بنتي " سفانة " عـ الخطوف ...

يعاافيناا ويعاافيكم إن شااء الله ...

وبخصوص ( شيبتكم مر من هنا )

بكتبهاا إن شااء الله فالموااضيع الجاية

عشاان ماا تنسوني ...

العفوا بنتي ...

اقتباس:

المشاركة الأصلية كتبت بواسطة عاهن الخير

تسلم صاحبي نته وبقايا مسافر.
تراكم ما عليكم زود.
مبدعيين ما شاء الله عليكم.
بس صاحبي مره ثانيه خبرني يوم تبوا تسيروا بروح معكم.

مشكور ولدي " عاهن الخير " عـ الخطوف ...

الله يسلمكـ ويسمنكـ ...

بخبرك ولا يهمك ...

فيه نيه فـ هذا الإسبوع إناا نطلع كشته نقره لعرض الصورة في صفحة مستقلة

وعااد خلك جااهز ...

**شيبتكم** · 07-09-2011, 03:38 PM

اقتباس:

المشاركة الأصلية كتبت بواسطة مطلع الشمس

عمي الشيبه تسلم ع الصور الرائعه والمعلوومات القيمه لي حمتلهاااا تلك الصوور .....

والوادي قمت الابداااااااع ....بس شووو اسم الوادي ..........

والله صرت ياعمي مصور فوتوغرافي.......تسلم ع الابداع ف الطرح.....

مشكوره بنتي " مطلع الشمس " عـ الخطووف ...

الله يسلمش ...

هذاا الواادي إسمه... * واادي عااهن * ...

**الغلا** · 07-09-2011, 03:43 PM

ماشاء الله عليك يالشيبه
صراحه موضوع ماعليه كلام
مبدع ماشاء الله
يعطيك العافيه
...............