|
رحــــلة شيـــبتـكم
بسم الله الرحمن الرحيم حيبكم ولادي وجميع لمنتسبين فهذا المنتدى الرايع فيوم من الايام بتاريخ 6 / 9 / 2011 يوافق يوم الثلاثاء الغبشة قلت بطلع أتلق شوي وارفه عن نفسي وقلت ما يردني غير الوادي وطلعنا أنا وحد من الاخوة جزاه الله خير ساعدني بشلول الشغنة وحج بحاجة قلت بقدم شي ولو بسيط حل هذا المنتدى الغاوي قلت بصورلكم الرحلة من يوم شتلينا لين حل الرجعة وحبيت اعرفكم بـ بعض من الاشجار الماجودة والمنتشرة فالوادي فالبداية هذا الطريق بو سلكناه http://www.w-ahin.net/up/uploads/ima...bdb3fd8fc0.jpg ومن غدفنا ع الوادي قلت بسبر الفلج كان خدموه العمال درست ولا !! http://www.w-ahin.net/up/uploads/ima...ebf00b4919.jpg طبعا أول الاشجار اللي صورتها حلكم هي " السمرة " http://www.w-ahin.net/up/uploads/ima...cf53cb4ddc.jpg http://www.w-ahin.net/up/uploads/ima...a65878ab84.jpg وهذي طبعا شجرة " العسبق " http://www.w-ahin.net/up/uploads/ima...839180007f.jpg وعندكم " الشكاع " اللي فكل ظهرة تحصله http://www.w-ahin.net/up/uploads/ima...bde26ec16f.jpg وما ننسى " الغـــاف " اللي ما شاء الله يتواجد بكثرة بالوادي .. http://www.w-ahin.net/up/uploads/ima...5384eb1def.jpg طبعا مشينا ومشينا وحصلنا راس ع الدرب ما معلوم من شالنه ومن هين..!! http://www.w-ahin.net/up/uploads/ima...630e9aae1c.jpg عجبني هذا المنظر الغاوي بصراحة وقلت بصوره http://www.w-ahin.net/up/uploads/ima...b197fd651d.jpg طبعا هذي الشجيرة أسمها " قرنفل " http://www.w-ahin.net/up/uploads/ima...ae0d5b3875.jpg وهذي " الظفرة " اللي نستخدمها أول يوم حد ينكسر ولا فيه نفداع ... http://www.w-ahin.net/up/uploads/ima...da31764f60.jpg وطبعا هذا يسمى " شخر " ويستخدموه الاوليين حل لجروح http://www.w-ahin.net/up/uploads/ima...ed28d17a2a.jpg http://www.w-ahin.net/up/uploads/ima...8966ffc49a.jpg وحنا وماشين نتبه حد من الاخوه على هذي الزنوبة مخباية ما معلوم من كم سنة.!! http://www.w-ahin.net/up/uploads/ima...ab8fb17f50.jpg وعندكم هذي شجرة " القفص " http://www.w-ahin.net/up/uploads/ima...d2fc538a16.jpg وهذا معروف بال " الخفج " http://www.w-ahin.net/up/uploads/ima...6229b04d1c.jpg جينا على هذي السمرة وتذكرت حاطبنها يوم كنت فعز شبابي http://www.w-ahin.net/up/uploads/ima...368c6f3188.jpg ومن ما يعرف " الحلف " http://www.w-ahin.net/up/uploads/ima...1e72b20cc7.jpg وهذي شجرة يسموها جدودكم " جيش " فيها بذر وطعم ح الطيور ..!! http://www.w-ahin.net/up/uploads/ima...d411b7d05a.jpg " " " " يتبع |
فجأة كنا ماشين وحصلنا هذي السكين قديمة وشالنها الوادي لاكن بصراحة ما ورى عليها فيها من ريحة الاوليين.. http://www.w-ahin.net/up/uploads/ima...b608c420a4.jpg احم احم وهذا طبعا " الحنضل " http://www.w-ahin.net/up/uploads/ima...01b2c0226f.jpg وهذي الشجرة تسمى بال " المهتدي " http://www.w-ahin.net/up/uploads/ima...5cfc02bb96.jpg ما ننسى " الحرمل " المنتشر واجد ف الوادي http://www.w-ahin.net/up/uploads/ima...e3dc5ad2ba.jpg عندكم الـ " الشوع " http://www.w-ahin.net/up/uploads/ima...76242787b2.jpg والشجرة الحلوة هذي تسمى " عصمت " http://www.w-ahin.net/up/uploads/ima...c954526cd7.jpg وهذي " شبه " توجد ف الوادي http://www.w-ahin.net/up/uploads/ima...822d2b0729.jpg وهذي صورة ثانية لمنظر غاوي صورته http://www.w-ahin.net/up/uploads/ima...837b01645a.jpg ما ننسى " النسل " اللي ينبت قريب الوادي http://www.w-ahin.net/up/uploads/ima...8733a66405.jpg وهذي شجرة " الـسيب " أيضا تنبت على ضفة الوادي http://www.w-ahin.net/up/uploads/ima...0e82a226d2.jpg فالنهاية أهدي جميع الاعضاء المنتسبين فهذا الموقع الغاوي هذه التحفه البسيطة .. http://www.w-ahin.net/up/uploads/ima...ac45107e92.jpg الشكر الجزيل للأخ " بقايــا مـسافـر " والسلام عليكم ورحمة الله وبركاته |
موضوع رائع .. وتوثيق جيد لكل هذه الأشجار والشجيرات
مبدع الشيبه ما شاء الله عليك .. الله يعطيك العافيه |
أبدعت موضوع جدا شيق
ما شاء الله عليك يا الشيبه .. موضوع بيفيد الكثير في التعريف على الأشجار والأعشاب الجبلية شكرا على سردك المميز |
ماشاء الله عليك شيبتنا الله يعطيك الصحة والعافية والصور واجد حلوات وحلو هذا التوقيع إلي بالحصى بس لو ضايف كلمتين بعد للتاكيد ( شيبتكم مر من هنا)شكرا لك الشيبه والشكر موصول لبقايا مسافر
|
عمي الشيبه تسلم ع الصور الرائعه والمعلوومات القيمه لي حمتلهاااا تلك الصوور .....
والوادي قمت الابداااااااع ....بس شووو اسم الوادي .......... والله صرت ياعمي مصور فوتوغرافي.......تسلم ع الابداع ف الطرح..... |
تسلم صاحبي نته وبقايا مسافر.
تراكم ما عليكم زود. مبدعيين ما شاء الله عليكم. بس صاحبي مره ثانيه خبرني يوم تبوا تسيروا بروح معكم. |
اقتباس:
مشكووره بنتي " أرواح مهاجرة " عـ الخطووف ... و واجب عليي إني أعرفكم على هذي الأشجاار بماا إني شيبتكم... اقتباس:
مشكوور ولدي " أبو الريم " عـ الخطوف ... وأناا أتمنئ إن الجميع يستفيد ... وترااهن هذي الأشجاار ولدي شي منهن إذاا ماا كلهن يستخدمن كـ أدويه ... وإن شااء الله تستفيدوا منهن ... اقتباس:
مشكوره بنتي " سفانة " عـ الخطوف ... يعاافيناا ويعاافيكم إن شااء الله ... وبخصوص ( شيبتكم مر من هنا ) بكتبهاا إن شااء الله فالموااضيع الجاية عشاان ماا تنسوني ... العفوا بنتي ... اقتباس:
مشكور ولدي " عاهن الخير " عـ الخطوف ... الله يسلمكـ ويسمنكـ ... بخبرك ولا يهمك ... فيه نيه فـ هذا الإسبوع إناا نطلع كشته :cool: وعااد خلك جااهز ... |
اقتباس:
مشكوره بنتي " مطلع الشمس " عـ الخطووف ... الله يسلمش ... هذاا الواادي إسمه... * واادي عااهن * ... |
ماشاء الله عليك يالشيبه
صراحه موضوع ماعليه كلام مبدع ماشاء الله يعطيك العافيه ............... |
| الساعة الآن 07:56 PM |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
جميع الحقوق محفوظة لـ موقع ومنتديات وادي عاهن