أميــر لكن فقيــر

[نهــال]

قصيدة فقير...للأمير عبدالرحمن بن مساعد

فقير وعندي المال الكثير

فقير وملبسي غالي حرير

ويا صاحبي الحافي الفقير

ابنشدك, ابسألك وشهو الحـصير !!

وابسألك وشلون انا آمر وانهي

وإذا حكيت قبل انتهي من كلمتي


يقاللي سم ويصير

ولاشكيت من غفلتي طوّل زمنها

يقال لي لا تشتكي .. ما خلقت الشكوى لأمير

وابسألك وشلون انا مع كل ذا .. اقول عن نفسي فقير ؟؟؟!!!

ياصاحبي لاصار للضحكه ثمن

وصاروا اصحابي كثير بس بثمن

والوفاء مابه وفاء الا بثمن

ابسألك ماني فقير؟؟

ولاصارت اقوالي حكم

ولاقالها غيري غدت حكيٍ قديم

ابسألك ماني فقير؟؟

ولاصرت انا مانيب انا

ولاغلطت قالوا صحيح .. وكل شي اعمله يصبح عظيم

ابسألك ياصاحبي ماني فقير؟

وياصاحبي ابنشدك لامن جفتني دنيتي

وابتدأ الدرب الطويل اللى ابد ماينتهي

وانتهي العز القديم وماكنت اظنه ينتهي

والموت بدد فرحتي .. وحطوني في قبر ٍصغير

وحزنوا علي .. وبكوا هلي وناس من ربعي قليل

وارتاح من وجهي كثيـــر

وبقيت وحدي في حيرتي مابه احد

لا طال عمرك ولا تحت امرك

ماغير انا وخوف ولحـد وحساب قدامي عسير

وقتها ذكرت اني من زمان

يوم انه امهلني الزمان

هذا ظلمت .. هذا جرحت .. ياما كذبت

وذنوبي ماتحصي كثير

وقتها الىَ ندمت .. ونفسي كرهت

عرفت ان الله كبير وان الهلاك اصبح اكيد

واني انا مالي رجاء .. ولا هروب من الدجى

من الجحيم الا بأمل عندي وحيد

ان الله غفـّارورحيم

ابسألك ياصاحبي عني أنا في وقتها

ماني فقير؟؟