ذيك الحاره

**سالم العيسائي** · #1 27-04-2014, 03:40 PM

لول أحب دياره
وأحبها م سنين
وأحب ذيك الحاره
لي فيها الغاليين

غالي عندي مقداره
فيها رسوم الزين
أبيعهم و أختاره
بشريهم الوافيين

دايم أنا يساره
تشهد ايدي اليمين
تحيتي الحاره
تاصله في ذا الحين

ثوبه فيها وقاره
ثوب العز يبين
ثامر وفي أشجاره
الفل و ياسمين

هذي تري اسراره
اقولها ب تلحين
خده كنور أقماره
ايشعك فالجبين

أنسي وجيب اشعاره
والناس عارفين
فجأه فقدت أخباره
ياالله يا معين

والله ياهي خساره
خلاني بجرحين
خلاني في مراره
ماهاكذا يا زين

حسبي علي الغداره
حسبي علي أثنين
حاقد سعي بدماره
حاقد سعي بالشين

لول أشوفه تاره
مابين حين وحين
حط فحشايه ناره
فوق الحشا بضلعين

هذي اول شراره
أعمت عليي العين
ارمي رمي الحجاره
رميت المبغضين

وروح وهذا قراره
صارله ثلاث سنين
وانا عندي جداره
ما أتبع القافين

ماني من العياره
والناس الحاسدين
الشين شين وقذاره
مابتبع القذرين

الحر بس بالاشاره
ويفهمها الفطين
بس الاسف أقداره
ماخلته أمين

ابغي رد أعتباره
من رب العالمين
ويوم سعدي دماره
وتتكسر الرجلين

ياالله بجود أمطاره
وتسجي الممحلين
وتسجي بر وأبحاره
ويرتاح لي حزين

**طلال العيسائي** · 29-04-2014, 11:43 AM

ماعليك زووود وصح لسانك

**صاحب السمو** · 01-05-2014, 10:13 AM

صح لسانك..

تصلح لأغنيه:d

**أبو الريم** · 04-05-2014, 12:46 AM

صح لسانك شاعرنا سالم العيسائي

ولا تحرمنا من جديدك

**أبوراشد العيسائي** · 05-05-2014, 08:00 AM

صح لسانك
كفوووووو

**سالم العيسائي** · 06-05-2014, 07:59 PM

صح بدنكم واشكر الجميع ع المرور

**سفانة** · 25-05-2014, 01:08 PM

يعطيك العافية اخي سالم
ابيات جميلة
ربي يبعد عنا الاحزان

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري