أقص الراس قدامك ولاأخضع لأشكالك ...><

**عاهن الخير** · #1 11-09-2011, 06:22 PM

جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـت تسابـق ظلالـك

عرفت الحب بغيابي وعرفت انك معـي غلطـان
تاكد مـا يشرفنـي طريـق(ن) دربـه وصالـك

تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك

لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك

اذاغيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنيالـك

تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك

بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي ابوفي ـك!!

تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك

أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك

ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك؟

تدل الدرب من دونـي وقدمـك سكـة الأحـزان
توكـل لا تنادينـي ويعينـك الله علـى حـالـك

وانا يكفينـي ذليتـك وحديتـك علـى الهجـران
تقول الموت من بعدك واقـول هنـااااك اشوالـك

غسلت ايديني من حبك وبرحل واهجرك يافـلان
فمـان الله وباقيلـك نصيحـه خلـهـا فبـالـك

ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

**الجرناس** · 11-09-2011, 07:03 PM

ايداع يا عاهن الخير
والله يوفقك
والى الامام ان شاء الله

**عاهن الخير** · 11-09-2011, 07:15 PM

تسلم يالجرناس.
لاهنت ع المرور العطر.
بارك الله لك.

**s.o.s** · 11-09-2011, 08:23 PM

تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك

تسلم ع النقل الجميل..بصراحة ابداع.

**عاهن الخير** · 11-09-2011, 08:29 PM

شكرا لكـ s.o.s على المرور العطر.
تسلم وبارك الله فيك.

**مطلع الشمس** · 12-09-2011, 12:26 AM

ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك

الله ع القصيده الرائعه تسلم ع الطرح

**عاهن الخير** · 12-09-2011, 12:30 AM

مشكوره خيتوا مطلع الشمس.
منوره.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري