احبك اخر اخباري واخر ماورد بالكف

[walhan]

أحـبك أخـر أخـباري وأخر ما ورد بالكف؛

أحبك وأبعد حدودي سلام وأقربه نظره؛

أحبك بأول إحساس داعب مهجتي ما كف؛

أحبك إيه أنا أحبك بقلب ما عرف يكره؛

هذي فنة أشواقي أبعثرها قصيد وحرف؛

أحبك ململم جروحي وصوتي تخنقه العبره؛

أجيك بخاطر مكسور وعين ما تغض الطرف؛

أجيك بلهفتي وينك فؤادي ما حمل صبره؛

أبيك تسابق شمسي بعد من الصفر للألف؛

بحط يدي على خدي وأقول متى يجي بكره؛

بكحل ناظري بشعة جبينك يالغرام العف؛

ويسعد لي صباح اللي تصبح بك على الفطره؛

أنا أدري ما عرفتيني تشابه في سماك الصنف؛

صوابع يدك بكفك وإذا هي تختلف قدره؛

أنا أدري في البشر عمله رخيصه في بنوك الصرف؛

وأنا أعرف فالبشر معدن ثقيل يرجح الصخره؛

سألتك بالذي زانك أنا ويني بذاك الصنف؛

أشوف المعجبين كثار وأخاف تطول النظره؛

رجيتك لا تجيب بدافع ما يسمى العطف؛

تراي مملك إحساسي إذا قلبي بدا يشره؛

هذي أخر أخباري وأخر ما ورد بالكف؛

وأنت وش هي أخبارك بعد اللي سبق ذكره؟

منقول