اختار عضو واطلبة افضل قصيدة

[الريـــم]

هذي القصيدة احبها موووووووووووووووووووووووووووووت
اللي ما مليت منها ابدا.... يعني ف العااادة بس اسمع القصيدة مرة

مرتين ثلاث خلاص امل منها .. بس هذي مستحييييييييييييييييل

وهي.......

لا هنْت يا المنديل خلّك على السِيت
كلها دقايق .. واْرجع أمسح بك الدمْع

بي شوق لو صدّيت عنّه و قفّيت
احس به أقرب من الضلع للضلع

لو ما هموم الليل ما كان سجّيت
من ( شيشةْ العوهة ) إلى ( شيشةْ الفقْع )

أتبع طريق دبيْ .. وآناظر ( الليت )
لكن دمعي يمنع الشوف و السمْع

واْذا وصلت لأوّل ( دبي ) .. ردّيت
كني عشقت الدرب أو كننا ربْع !!

في داخلي ضيقة و حزْن و تناهيت
ثلاث حالات إن لفني .. لفن جمْع

عند التمني ليتني ما تمنيت
وش فايدةْ كثر التمني بلا نفْع ؟!

ما هيب منوةْ ( يعل ) أو ( لو ) أو ( ليت )
ذاك التمني مات مع موتةْ الشمْع

ما دام وضعي ساقني عكْس ما شِيت !!
معناتها بمشي على رغبةْ الوضْع

والله يلو عيّيت .. مااقول عيّيت
أسكت واْنا مفجوع من شدةْ الوقْع

حالي ضريت آعيش نصه .. بلا صيت
و الربع آبيحه .. و آتحفّظ على الربْع

يتساقط الهم وأصوله مثابيت
مثل الورق يسقط .. ولا يسقط الجذْع

الهم له في صدري مْقيل و مْبيت
زيارته ماتنقطع .. يعله القطْع

إن قلت بمنع جيّته ما تهنّيت
كيف أمنعه !! والدافع أقوى من المنْع ؟

لولاه .. ما بكّيت شخص بْـ / شطر بيت
و لا شعَر من ثاني الأشطر بْـ / نزْع

و لا عن متابع هوى النفس صدّيت
و لا وقفت لْـ / صوت ورق" سجع سجْع

نعم تصنّعت الفرح .. بس ملّيت
مااريد تبقى فرحتي دايماً صنْع

غيري تجمّل بـ / الحظوظ المباخيت
وآنا عجزت آجمّل حظوظي القرْع

هذي همومي لين اعوّد إلى البيت
عودةْ محطّم تطرحه دزّةْ الصبْع

حاولت أقوّي عزمي .. و ما تقوّيت
غير أنّي محافظ على المذهب السنْع

عن ( كرسي أخلاقي ) .. أبد ما تنحّيت
سلومي .. سْلومي و طبعي .. هو الطبْع

لى عدْت متحطّم .. دخلت و توضّيت
و اْدّيت ركعاتي .. قبل سنّةْ الشفْع

ثم أدعي ( الله ) و اْطلبه لى تدعّيت
أنّه يخلّصني من الضيق .. و الدمْع

الضيق و الدمع الذي حين مرّيت
حسّيت به يمشي من // الضلْع // للضلْع


للشـــاعر/ سعيد بن طميشان الكعبي


وصح لسااان وصوووت واحساااس الشاااعر الكعبي
والحين دوووور دوووور

بما ان عاااهن عضـــو متميز الحين

هديته يقوللنا قصيدة ( دووور عاااهن الخير)