الفراق

[الشامخ العالي]

السلام عليكم ورحمة الله وبركاته

اخوانى واخواتى الاعزاء...


انقل لكم هذه القصيده واعتبرها انها اجمل قصيده عن الفراق ....


واتمنا ان تنال اعجابكم وعلى ذوقكم الرفيع ...


اترككم مع هذه القصيده النادره...


يقول الشاعر..


ياليتنا عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات




وسلامتكم

__________________

[عاهن الخير]

لا تعليق القصيده إبداع في إبداع......><

امشي واردد ليتنا ماالتقينا = وش جابها عقب السنين الطويلات

يا سلام مشكووووررررر ع القصيد الشامخ....><

[الاشخري]

مشكور القصيده رائعه تسلم

[الشامخ العالي]

يسلملي مروووووركم أشكركم وربي يخليكم انشاالله

[بنت صحار]

مشكـــــــــــــــــــــــــــــــور

[الشامخ العالي]

مرووووووووووووور راااااااااااائع شكرا بنت صحاااااااار

[قدها العيسائي]

صح لسااااااااااانك
يالشاامخ العالي
ربي يجزيييك خيير
في قمة الروعه الاختيااار

[ملاك الكون]

بصبر على فرقاك مهما حيينا = ولا تشوه صادق الحب زلاتتسلم يديك ع القصيده الرائعة جدا

[قراقيش ومناقيش]

والله لو أجلس لين باكر
ما أقدر أشكرك ووصف القصيده
بصراحه إبداع بمعنا الكلمه
تسلم يشامخ.....

[بـــقـايـا حـرووف]

لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات

جزيل الشكر لك الشااامخ العالي ع الكلمات الرائعة والجميلة