باب الغــــــــــرام

[أبوراشد العيسائي]

القلب جره ومعلاق الحشـــــــــا جره
لا حول بالله دمى جرحي ومعـــلاقي
الويج والضيم والتجريح والحســـــره
أتجمعت داخلي وتزيد الأشـــــواقي
يشعل في وسط الحشا من لاهبه حره
ما فارقتني وأنا المســــكين معتاقي
الوجد مـــــــر وأرها عيشــــــته مره
صبري نفد والعناء به تكثر أعواقي
أصـــــــــوم لجل الوفاء غره بعد غره
والهم صوبي مع الشدات ينســـــاقي
يا ليت يصدق الأمــــل والحظ لو مره
أتحطم الشــوق وأنا وسط الأعماقي
لله دره غـــــرامي مــــــاله مقـــــره
يلعب على ما يبا ما يعــــرف الباقي
بالخير يلفي ومره يلفي بشـــــــــره
تيم ضميري أبد من دون إشـــــفاقي
يا مدعـــي الحب قالوا الحب من نظره
وأنا أنتظرتك إلين إعتـــــاق خفاقي
وما كل مره تراها تســــــــلم الجره
أخاف ذبح الوله من بعد لفــــــــراقي
صكيت باب الغرام وأندفن ســــــره
وردٍ ذبل ما تره شـــــــــيمة الساقي
يا قلب جـــــــريت من ضيم الوله جره
وين الذي كان لك ويحن ويتـــاقي