العيون الســــــــود

[أبوراشد العيسائي]

أنا موتي فهدب عينٍٍ إذا ســــلهم تدن رعود
وتمطر دنية العشاق وطيب الســـــعد يغمرها
سحرني هالهدب لكن جماله بالعيون السود
عيـــــــونٍ حيل قتاله وتذبحني محــــاجرها
جداها شـوق يدفعني وغلاها وشكلها المفنود
أتيه فبحرها فبلورها فشــــــلة نواظــــــرها
نعم ريميةٍ عذراء حســنها فاق حسن الخود
أزَعل خاطري أهون عليَ من كســـــر خاطرها
أنا حبيتهــا والحــب ما هـو يا عرب منقود
تســامر مهجتي بروعة تفنقها وتســـــامرها
على رجوى بشايرها أعيـــش الواقع الموجود
يلين أكتضت الأشـــــــواق ثم لاحت بشايرها
غلاها داخلي يكبر أحســــــه كل يوم بزود
وهي تأمر وأنـــا حـــــــــاضر ألبيها أوامرها
نعم ســــمحة محيا رونقه زاهيه بلا حدود
أســاومها بغلا روحي عسى ( الله ) لا يغيرها
طمــوحي أظفر بلحظة لقاها وأعرف المقصود
أبأعرف وش إللـــــي حدهـــــا عني وأخرها
أعــــزها أحن ليها ولا هـــانت كريمة جود
ســـــنين الحب تتغنى بماضيهــــا وحاضرها
وهي تملك زمام الود ومقبلها هناء وســـعود
عرفت شـــــلون أترجمها من الواقع خواطرها
أبنطق كلمةٍ عذبةٍ أنا موتي العيون الســــود
أغامر في معانيها الجميلة وصرت شـــــاعرها