قصيدة للبنت الدلوعة والمغرورة

[عالي مستواه]

إيه اعرفك بنت عز وكلمتك مسموعه
وادري انك من خلقتي في ظلال وفيه

ما لعب فيك الزمان ولا قرفتي جوعه
ولا وقفتي من همومك وقفتا محنيه

أدري ورب اليتيم الي يهل ادموعه
مابعد هلت دموعك في ضحى عيديه

بين حضن ابوك وامك وردتا مزروووعه
طول عمرك مافقدتي لمست الحنيه

إيه اعرفك واعرف ان الناس لك متبوعه
وادري ان امرك مجاب وحاجتك مقضيه

بس انا من فضل ربي هامتي مرفوعه
ورثت الأصل وراس مالي عزوتا عيسائية

منحنيت الا لمخافت ربي المشروعه
ولا بعد دفقت دم الوجه امد ايديه

ابدويا ماعرفة الضحكه المصنوعه
احمد الله من خلقت وطيبتي فطريه

قانعا في حكمة الله ماشيا في طوعه
ماحسبت احساب دنيتا ناسها طرقيه

ايه انا يم الترف قلبي غدا موضوعه
الفراق الي بلا رجعه وطاري جيه

بس روحي وسايري قلبك وهدي روعه
واعذريني " ولا عادي ازعلي عليه

دامها وصلت لذل النفس يا الدلوعه
والله أن رأسي يعيش ما انحنى لبنيه