بغيت أياااام.

[جريح المشاعر]

بغيت أيام محسوبه حسايب
ألوف ديار فيها القلب ذايب
لعل أشوف طيف من حبيبي
وأناظر وجه عني صار غايب
= = = =
وأضم ورود فيها لون خده
وأقبل دار سكنوها الحبايب
وأكحل بالمراتع مقلتلي
وبرد نفس صابتها لهايب
= = = =
يسافر في دروب الحب فكري
يعيد أيام ذكراها حصايب
يردد وين يا ديرت صبانا
زمان الود وأيام أطايب
= = = =
تقول الدار لا تبكي بحسره
صروف الدهر فيها من لغرايب
تبدل من توده دون زله
رحل من غير ما يبدي سبايب
= = = =
تجلد بالصبر عالهجر مره
ومره خل دمعاتك صبايب
عسى الأيام تجمع شمل حبك
عساه يعودلك من كان غايب.