.... آخـر عبــآراتـي....

[نهــال]

............ آخـر عبــآراتـي............

آخر عباراتي وداع ,, آخر مشاويري رحيل

جيتك وبي لفحة ظما وأقفيت كبدي ناشفه ..

أصعب كلام ,, أصعب خبر صرخه عقب صمت طويل

مثلا لهدوء اللي سبق لحظة هبوب العاصفه ..

" وإنتي بـمتناول يدي تبدين مثل المستحيل

في عشرتك صوت العقل يقتل طموح العاطفه .. "

الحب ماهو كل شي إلى وقف حظ بخيل

قلوبنا أصفى من العسل بس الظروف مصالفه ..

لالـ الندم ,, لالـ العتب ,, أوشي من هذا القبيـل

وأنتي ماجا منك خطأ حتى تقولي آسفه ..

من غير ليه استسلمي و استلهمي صبر جميل

ولا تسأليني وش جرى مالك بـطول السالفه ..

قولي لهم يا عزوتي ماعابنا موت النخيل

اللي يوافيهــا الأجــل وتموت لكن واقفه ..

آخر عباراتي وداع ,, آخر مشاويري رحيل

جيتك وكبدي ناشفه وأقفيت كبدي ناشفه..

للشاعر : مساعد الرشيدي