أحبـــــــــــــــــــــــــــــك

[عظيم الشوق]

أحبك ،، لو خذيتي النور من عيني أحبك ،،

أحبك لوطلبتي باقي سنيني أحبك

وأنا أدري ،، مثل ما احبك تحبيني ،،

حتى لو ماقد سكنتك ساكنه فيني ،،

يا أول أرض بانت في عيون الشمس ،، وأخر أرض عانقها شموخ الأمس

أنا هالعاشق المجنون ،، أحبك قد هذا الكون

أحبك ،، يالصحاري اللي رمالك كثر آمالك

أحبك ،، يالجبال الساكنه هذا الفضا العالي


عماااااااااااااااااااااان ،،

عمان وتشهد الأيام بإنك للعرب رايه

وإنك حصن للإسلام ،، وإن المجد لك عبر الزمن غاية

وقيمة تشحد الإقدام ،، وقيمة تشحد الإقدم

يالعمود الصلب في بيت العرب

إش علي لو قلتلك إني أحب

إسمك المكتوب بحروف الذهب

حضارة نورها وهاج

تسولف عنها الأمواج

يرددها على الأيام

حديث النخل للأفلاج



عظيمة يا عمان العلم والتاريخ

عظيمة ياملاذ السلم والحكمة

رفض هذا الزمان اللي معاك يشيخ

نفض كل التراب اللي على جسمه

نهض حتى اعتلى واقف

تلفت شاف قدامه ،،

وطالع تحت أقدامه ،،

وخلفه ،،

ثم صاح وقال ،

أنا راضي

عن الحاضر

وعن الماضي

وانا واثق من اللي جاي

مدام إني على هالأرض

أبمشي والثبات خطاي

لشاعر الكبير/ سعيد البرعمي .