ياليتني كنت الكفن يوم تمشون.......

**مجرم الحب** · #1 29-03-2011, 08:48 PM

ياللي دفنتـوا جثتـه.. ليـه تبكـون ؟
لولا الحيا..لأقـول : معكـم خذونـي

منه انحرمت وكنت انا عنه مسجـون
ما أذكر لمحته .. غير مـره بعيونـي

شفته ..وكانت فرحتـي مالهـا لـون
عجزت لأوصف .. من لمحته شجوني

ياليتني ..كنت الكفـن يـوم تمشـون
أبقـى معـه بالقبـر ثـم تدفنـونـي

أو ليتني .. من خلفكم كنت (مجنـون)
أتبع خطاكـم والعـذر هـو : جنونـي

أبكي وراكم .. وأدعي ان كان تدعون
مايكفي انه عـاش عمـره بدونـي ؟؟

تكفون < هاكم عمري اليـوم تكفـون
برخـص حياتـي دام خابـت ظنونـي

مافادني صبري !! ولا فادنـي عـون
ولا فادني دمع(ن) .. حرق لي جفوني

ياما بكيتـه والبكـي يحـرق عيـون
ميت أو انه حي .. دمعـي بعيونـي!!

العام كان بفرحتـه.. يعـزف لحـون
واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون
فوق الثرى .. واليوم موته سجونـي

(سميت قلبي عقـب فرقـاه ملعـون)
هو و الليالي .. عن هنـاه امنعونـي

ياليتني.. ماعشـت لحظـه بهالكـون
وياليت ربعي .. في سكات اذبحونـي

وياليتكم .. عن همّي اليـوم تـدرون
منه انحرمت > ومن عزاه .. احرموني

حتى بوفاته !! يوم أنا طحت مطعـون
أخفيت طعناتي .. قبـل لا يفضحونـي

بكيت !! لكـن .. ماتظاهـرت بالهـون
أبكي وأقول : الموت هو سبة طعونـي

وإن كان في حبّـي أنـا ..ما تحسّـون
دلوني لقبـره .. وهنـاك ..اتركونـي

**االشمــــــالي** · 05-04-2011, 10:29 AM

وإن كان في حبّـي أنـا ..ما تحسّـون
دلوني لقبـره .. وهنـاك ..اتركونـي

يا سلام ع الإبداع تسلم يا مجرم على القصيدة الرائعة

**شـبيه الــريــــح** · 09-04-2011, 02:42 PM

تسلم ايدك على النقل

وشكرا على القصيدة الرائعة

بنت العيسائي0 · 09-04-2011, 03:23 PM

ياااااي على الفن

مرررره القصيدة تجنن

فد فد حاااارب

**بـــقايـــا مسـ˚ஐ˚ــافــر** · 09-06-2011, 03:50 PM

مشكور ع الطرح مجرم الحب

**عظيم الشوق** · 10-07-2011, 11:16 AM

تسلم ع الطرح

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الكفن أبيض ومخيف والكعبة سوداء وجميلة	عالي مستواه	المنتدى العام	7	04-02-2012 03:21 PM
..!! ياليتني لاأشتقت لك أقدر ألقاك ..!!	عاشقه المستحيل	عذب القوافي	7	10-01-2012 02:02 AM