في كفها خاتم....

[عاهن الخير]

حبيت أشارككم من روائع الشاعر :محمد بن فطيس


،؛،.. في كــــفـــها خــــاتــــــم ..،؛،

في كفها خاتم وفي خدها خال ..
.. وفي عينها غيم وعمارات وبيوت

الخال شفته واضحٍ من ورى الشال ..
.. والخاتم الماس مرصع بياقوت

والعمر في العشرين كني مانيب زال ..
.. والجسم كنه من جبل ثلج منحوت

جبل ولكن لا طرقه الهوى مال ..
.. وخطواتها ماهي بالأمتار بالفوت

ماهي تشوف الشمس من ظل الاظلال ..
.. ومصيافها ما بين لندن وبيروت

الشمس لو تشرق على جسمها سال ..
.. كنها مجسم محلبيه وبسكوت

ومن صغر مبسمها شقى حالها الحال ..
.. ما تاكل الا اللوز والخوخ والتوت

ماهي تشوف الناس تمشي وتختال ..
.. ومرٍ على جاكور ومرٍ على حوت

وخدامتين وهي بلا زوج وعيال ..
.. وسمعتها تدعي الدريول يياقوت

وثلاث جوالات ماهو جوال ..
.. ومن يوم خلقت كل شيٍ بريموت

لكن قلبي مالها فيه مثقال ..
.. وش قرب البشت الحساوي من الكوت

ياجعلها للي خذت قلبي نعال ..
.. اللي غلاها عندي الشرب والقوت

حوريةٍ من فوقها الليل شلال ..
.. كنها صبحٍ فوقها الليل مكتوت

قلبي لها من كثرة الشوق مشخال ..
.. وللسر عن كل المخاليق تابوت

تنحت لي من الحب في القلب تمثال ..
.. وحبي لها ينحت على الساحه بيوت

في عينها ماكل رجال رجال ..
.. وأقصى حدود الوصل في سلمها الصوت

زودٍ على القلب وعلى الحسن من آل ..
.. روسٍ لهم روسٍ على متونها بشووت

الى رضت موتوا يا أهل روس الأموال ..
.. وإلى زعلت جربت وش سكرة الموت

من دونها رجلي وراكب وخيال ..
.. والسيف والأمواج والبحر والحوت

الشاعر :محمد بن فطيس المري

[الزعيم]

تسلم ياعاهن الخير......صراااااااحة القصيدة ابداااع ثم ابدااااع ثم ابداااااااااع....أعجبتني القصيدة كثيرا.....تقبل مروري......وبانتظار جديدك

[عاهن الخير]

تسم يا حموووده ع المرور الأبداع شفناه بمرورك.....><

[الاشخري]

مشكور اخوي
بصراحه القصيده روووووووووووعه

[شيبتكم]

قصيـــــــــدة وااااااجــــــد غاااااويـــــــة بصراااااااحــــــة


مشكـــــــور عااااااهـــــن اااالخيــــــر عااااالجمــــــع.....قصـــــدي عااااالـــــطرح هع هع هع

[عزام]

مبدع يا عاهن الخير ,,
تسلم وربي لاهانك عالنقل ,,
لا تحرمنا من ابداعاتتك ..

[جـــســـاس]

أشكرك يا عاهن الخير على القصيدة الجميلة

[عاهن الخير]

أشكر (عزااااااام/ جساس/ الأشخري/ وشيبتنا) تسلموا ع المروووور الرائع.......

[walhan]

وين أنت من زمان صراحة أبدااااااااااااااااااااااااااااااااااااااااااااااا اااااع
عاهن الخير

[عاهن الخير]

تسلم walhanع المرور الرائع تريا إبداعك......