إن شفت حسنك قلت مثل الأميره//وإن شفت صدك قلت هاذي ملاكم.

[الطير]

ف القلب لك موطن ومسكن وديره@@
مثل الكبير إللي على القوم حاكم..

ملكتني والروح عندك أسيره@@
لو قد خذتني عن عيونك محاكم..

والله نفسي من غرامك خطيره@@
والحب هذا فوق قلبي تراكم..

وإن كان وضعي في تشتت وحيره@@
لازلت وأفي فوق عهدي معاكم..

ما باتغير لو حياتي فقيره@@
وأكبر طموحي كيف أكسب رضاكم..

ولان المشاعر ف الحنايا وفيره@@
أخاف عقلي ينخبل لو نساكم..

نشرت حبي في قناة الجزيره@@
ودخلت كلي في معارك هواكم..

فاح الغرام وفاح منه عبيره@@
لما بلاني في الهوى مابلاكم..

وأصبحت هائم في مشاغل كثيره@@
لأجل أن أحقق بالوفاء مبتغاكم..

إن شفت حسنك قلت مثل الاميره@@
وإن شفت صدك قلت هاذي ملاكم..

أجمل جميله ف البنات المثيره@@
لا والله إنها ما توصل مداكم..

شمس الصباح وشمس وقت الظهيره@@
ما أحس فيها لو عيوني ترأكم..

وأروح دربن طال فيني مسيره@@
علي أراكم أو أرى من رأكم..

هذا شعوري في الحياه القصيره@@
وعمري هديه جعل عمري فداكم..

منقول من email

تحياتي الطير

[عاهن الخير]

والله روووووووعهــ
يسلموا الطير.
ربي لا يحرمنا من جديدكـ.

[راعي الكروزر]

يعطيك العافيه الطير...
اختيارك كان في محله.... وكما قال اخي عاهن الخير
"ربي لا يحرمنا من جديدكـ. "

دمت بـــــــــــــــــود

[أسير الشوق]

تسلم الطير

[الطير]

يسلمو ع المرور الطيب مروركم شرف..
عاهن الخير - راعي الكروزر - اسير الشوق