|
|
|
#1
24-10-2011, 12:13 PM
|
|||||||||||||
|
|||||||||||||
هجائية الشيرمي للذيب
زينك على نفسك عسى عمرك طويل
مافيه داعي للزعل والانفعال واحسب حسابك للنزول وللرحيل خلك حكيم وفيك حلم وطول بال لا تغير الحكام وتحط وتشيل حن طالبينك مشها يبن الحلال وانت المجرب والمعرب والاصيل وانت المجمل من عمام ومن خوال ولا جابت بطون الحراير لك مثيل فالشرق الاوسط من جنوبه للشمال نادر ولا لك فالعرب ند وقبيل من روس هل اللي يربون الدلال وانا اشهد انك كاسبن فينا جميل علمتنا بنّك نويت الاحتلال ولنّك شريف ولا تبوق ولا تعيل أعطيتنا فرصه لتعديل الحوال ابك انت مالك لا وزين ولا عديل ابك انت ثروه ماتقدر بأي مال لازم يحطونك على العالم وكيل حتى تمشيها على الدرب العدال وتعطى وسام ونجمة وقايد فصيل وحقلين نفط وناقلة غازٍ مسال ويحضّر الدستور عندك والمزيل واللي تبيه يزال يالطحلب يزال وانت الشجيع اللي ليا ثار الفتيل ما مثلك الا عنتره عند النزال ماتطري النحشه ولا عض الشليل لبيه يا رمز الشجاعه والنضال اغديك لا مريت غزه والخليل وانت بطريقك حرر القدس وتعال ابك انت ذيبٍ لك قنيب ولك عويل ماتلحس ال... ولا تاكل فضال وانت النقي وانت التقي وانت النبيل ومن زود نبلك ماشحذت ولا ريال وانت النظيف الطاهر العف الفضيل ولا نفخ بطنك سوا العذب الزلال ماهوب مال مخدرات ولا غسيل والا تجاره فالدعاره والخمال ومن حر مالك تعطي ولا انت ببخيل مافيك حيله يالوليد ابن طلال والعود الازرق لا شريته ماتكيل تشريه بتريله ولا يكفي ليال وانت المقدم والمكرم والجليل ومن حشمتك ماتطرد من أي احتفال منت بخبيث ولا لئيم ولاعميل وكلن يقول ونعم لا جا لك مجال وانت البطل وانت الجمل وانت الجميل وانت الذي عذبت ربّات الجمال يازين وجهك يوم بينت الجديل وياحلو اذانك يوم ذبيت العقال حتى هياطك له مذاق وله ذبيل وذرابتك يالذرب مافيها جدال رزتك ولأنك داهيه روزك ثقيل صميدعٍ ماتبرك الا للثقال وانت الذي في كل محفل لك صهيل مافيك مرّه لا خبال ولا هبال وانت ابتع الشعار في بدع الجزيل واسمح لنا ناخذ من امثالك مثال في كُل عصر وكُل وقت وكُل جيل وفي كُل حول كُل حين وكُل حال وفي كُل حي وكُل مول وكُل ميل ومع كُل سين وكُل صاد وكُل دال ومع كُل نتّيتي ونّبيتي نخيل ومع كُل مصفوقٍ يصفق كُل جال ومع كُل وحش وكُل جحش وكُل فيل ومع كُل بغلٍ للصوامغ والغلال اخوض وانقث وآتمرّغ فالنثيل وشف جرتي كالقُرد في روس الجبال واشرب حليبٍ فيه حلب وزنجبيل وادقها كُنكان في كل السهال والعب استيشن وآتقهوى فالبتيل وادبك على موال نجوى فالتلال وعندي تُمقاسه دلع وآخر موديل وعندي تُفقاسه وكُنداسه خيال ويالكسزي مالش دقيش ولا نقيل والكنق كنقش يمشي بكل اختيال كنّه خريشٍ له وشيش وله صليل ومن زود وشه بطنه الماخوذ طال وصندوق خضرة فالغمارة مستطيل مليان كُمّثرى واناناسٍ هوال وقهوه ثقيله كلها مر ونخيل وقهوه خفيفه خف عقلي يوم زال والدله الدله لها خصرٍ نحيل ومن فوق كنها مئذنة جامع بلال والنُجر يده يد طفلٍ له وليل به غرغرينا والتهابات وسعال حبيت اوصفها ومن هذا القبيل طقت براسي قمت اوصف وارتجال بس اقلق اقلق هالمنبه ياكحيل الطرف ، واسترجع سويعات الوصال واللي غدا راسه مثل راس الحسيل ترجم معاناته بعد شد الرحال وطار ودبك مع مي والهام وهديل والقرض الامحق طار في عشرة ليال فلّس وعوّد له نغيط وله ضغيل ياقصة التسديد وش حال العيال مسعود ومسيعيد في ظلٍ ظليل والداشر محيميد يمكن واحتمال والغاز وينه ياجيوش اليونثيل والنفط وينه يارجال المونديال سدد قروضه ياوطن لنّه قتيل البست والتنقيط وعيون الغزال وياشيخ هرمونك بدا ماله بديل عليَ الطلاق انك فحل وانك لحال وعليَ الطلاق اليا انطلق درهام حيل عليَ الطلاق انك تفوز بلا احتيال ايه العن الله والعن الله سلسبيل ماغير انا وانته كريمين السبال وانا الفقير الطيب اللي يستخيل عفو الإله ورحمته ولا يزال ياسيدي ياسيدي يالسلسبيل بس اتصل ولا لك إلا طيب فال رقمي معك لا شك يازبن الدخيل اجيك لا طفرت من غير اتصال هذي علومك كلها ياشرحبيل ياكبرها ياعبرها بين الرجال وكانك ملزم تنقلب وقت المقيل رح وانقلب لك تحت دنكر فالظلال وطويق ياطوقان دسه فالصميل اللي وراك وحك خشمك فالسحال وانصح صحيبك لا صحى دامه عليل قله يخصص لا يعمم فالمقال ومسموح في بعض السوالف لو يميل لنّه يكثّر من عصير البرتقال وممه وببه جرعوه الحنظليل وسمٍ كلا قلبه وكبده والطحال وعذروب ربعي ما يمدون القليل وحطوه خامس في ختام الكرنفال دمعه على المسرح خطير انه يسيل كنّه يتيمٍ فاقدٍ عطف ودلال وحبيت خشمه تعزيه لنّه زميل ووضع استرح ياخذه من ينّس طمال خنزيرٍ ازرق لو نفص عينه ذليل وخسارةٍ في لحيته حتى التفال وان كانت ال تمير تنهق فالمسيل قولولها دن الرعد والسيل سال وجه الحماره له شحيج وله سحيل ولا يفرقه عن حرمته غير الشيال عفن وسروق وخاين ونجس ورزيل وجرذي مجاري طول عمره فالغسال بواق وعيونه زغر والخد اسيل والاذن اذن ذيخه ونخره نخر خال عثماني الحجان ولسانه كليل ياخوفي ان به عرق من ديرة كمال منته بغالب يالعجوز الخنشليل وابليس يالمغلوب في منخرك بال وان كان فوزي مودعٍ كبدك حميل عقبال ما تضربك جلطه واختلال واللي فجر واللي كفر واغدى السبيل واللي دخل بقبور سمحين القبال واللي طعن واللي بهت يلقى الحصيل حرام مايربح ولو طال المطال واللي سكر واللي نكر لا يستزيل لو خنذفٍ حيه تلبسها الجلال وان خضت بانساب العرب يا بن عقيل فالآخره جهّز جوابك للسؤال هامة مضر ماتهزها هرجة هزيل عمر الجبل ماهزته روس الرخال ربعي هل العادات والسيف الصقيل وربعي هل الطولات ذربين الفعال اقولها عن لابتي وانا خليل يا لابتي ما كل مايعرف يقال ولا اتعرض للحمايل مستحيل يشهد على تقديرها رب الجلال ومادام ابو بنكين للمفلس كفيل يمكن يحمّل كل تصليح العطال وكب الزلابه والزباله والزبيل ولا تنخدع بهروجها خذرا دمال وان كنت ياللمبي معزم تستقيل لازم نسوي لك مباراة اعتزال ادعس كفو مجنون روّح ياهبيل ماتقصّر ام هلال ويعيش الهلال واللي رمى له رميةٍ وبلا دليل تاتي عواقبها على راسه وبال ولا تغير الواقع ولا تشفي غليل كرمية الزيدي على بوش النعال كشف الحقايق يكسر العظم الجليل ويفلج حجج مروجين الانحلال وان طعت شوري لا تجي نقال جيل ولا تحط راسك بين آل وبين آل
|
|
24-10-2011, 01:06 PM
|
#2 |
|
عضو متميز
|
تسلم جساس ع الطرح
بصراحه تهت فالقصيده وأعتقد وسبب ذالك من طول القصيده مشكوووور خيوووو |
|
|
 |
| مواقع النشر (المفضلة) |
«
الموضوع السابق
|
الموضوع التالي
»
العرض المتطور
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| قصيدة هجائية خليل الشبرمي يهجو محمد بن الذيب | shmoo5_3inawy | عذب القوافي | 4 | 29-09-2011 03:41 PM |
الساعة الآن 08:22 AM
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Copyright ©2000 - 2025, vBulletin Solutions, Inc.
جميع الحقوق محفوظة لـ موقع ومنتديات وادي عاهن