قصيدة المكياج

[مجهول الهوية]

قصيده كتبها واحد متعقد من المكياج تقول اااا



يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...

خلها تولي


والسوالم

الموضوع منقوول


تحياتي:مجهول الهوية

[المليـــ الفقير ـــاردير]

تشكر ع الطرح
هذي عاداتهن الحريم
لما يريدن يروحن مكان خلن فووووجوووهن هالمكياج
أنا ما أسميه مكياج هذا باليييييييس

[الشامخ العالي]

قصيدة رائعة معبرة عن ذات الشاعر ويحكي لنا الوضع الراهن شكرا اخي الكريم

[ماجد الاشخري]

تشكر محهول الهوية ع الطرح الرائع

[ماجد الاشخري]

تشكر مجهول الهوية ع الطرح الرائع

[حروف الغلا]

ثاااااااانكسـ عـ الطرحـ المميز..^^

[الطير]

صح لسان الشاعر......
مشكووووور مجهول الهوية....
واعجبت بهذه الأبيات/
ابغي اشوفك دون مكياج يكسيك
وابغي اشوفك بالجمال المحلي

[بنت الغظيفة]

مشكور أخــــــــــي علــــــــى الطـــــــــــرح...

[الشامخ العالي]

طرح مميز رااااااائع شكرا لك

[عظيم الشوق]

مشكور ع الطرح