كهربتني بالعين

**عزام** · #1 23-05-2011, 06:43 PM

عندما يستطيع الانسان ان يوظف الكلمة حسب احاسيه ومشاعره في اي وقت شاء عندها نقول ان هذا الشخص لا يستطيع ان يوقفه اي شيء يكتب اجمل الابيات واصدق التعابير وكل يوم نقول هذي القصيدة احلى من الثانية فيفاجئنا بن فطيس بما هو اجمل واروع منها ..
تحياتي عزام
واتركم مع القصيدة ..

ياللي دخلت السوق وقف بحاكيك..
..وش ذا العيون اللي تسوي سوايا..

..كهربتني بالعين والله يجازيك..
..نظرات شلت في ضميري خلايا..

..لولا فيوزن وسط قلبي تماتيك..
..ما كان عين من فؤادي بقايا..

..يفصل الا من شاف هذي وهاذيك..
..صاده مواقف من بنات القرايا..

..قالت: تحمد يوم ربي منجيك..
..ولا توقف في طريق الصبايا..

..قلت: الصبايا والمزايين تفديك..
..ماشفت عينك في جميع البرايا..

..قالت: هذي عيني عسى الله يقويك..
..شلون لو بتشوف باقي المزايا..

..لكن دامك ممن القلب بسويك..
..رح في طريقك والنوايا مطايا..

..ولا ترا بتعبك واعلن تحديك..
..واشوف قلبك بيتحمل حلايا..

..قلت: اسمعي وان فزت قالت: بكافيك..
..علي حسابي من محل الهدايا..

..بس انتظر لحظه بسيطه ورويك..
..ثم اظهرت ثغرن زهت الثنايا..

..قلت: انتبه يا قلب منها توطيك..
..واسمع صداه يصيح خلف الحنايا..

..ثم انفجر جد الفيوز التماتيك..
..واقفت وانا اجمع بقايا الشظايا..
الشاعر \ محمد بن فطيس