أرض المواليف

[المقبالي]

ارض المواليف

مرحِبــــا بغيــوم هلّــِت في سمـانـا بالسِّيــــــول
مرحبا بْذِيكِ المخايِلْ لِي سقت ارض(ن) محيـله

أرضِ المواليـف الزِّهيـره من بَعَـدْ ذَاكِ الذِّبُــول
إتبدِّلـت واتبسِّمـت بانفـاسهــا ارض(ن) جميــله

صارت ضواحيها ومراسيها جميـله ما تحـــول
هـذي ديـاري موطـني صـارت لنـا دار جليـــله

صارت بـلاد المجـد في تاريـخ تغيِيـر الكســول
هذي صحـار بـلاد عـزِّي اعتـزي فيـها بفضيـله

إزْقرَتْ زَقْـرِةْ حميَّــه مــن بَعَـدْ فَتــرةْ عطـــول
مِـن بَعَدْ يأسٍ(ن) وإحباط(ن) بَعَــدْ مِــدَّه طويله

فـي ذِكـرَهَا تِتْشتَّتِ عقول الحســود اللي نــذول
تِتْبَهــذَل افـكـاره وتِتْعَثَّـر بَـهِ النَّـفــس الـرِّذيـلــه

إتحرِّكـت متفكِّــرة فيهــا العقــول الِّي تقـــــول
هذا هو الواجـب علينـا ننتقـي الفكــره وسيلــة

نبني حضارتنا ونخلِّي العالم يعيش ف ذهــول
نستنتج الفكره ونسقـي عقولنـا الفكـره أصيــله

نِحْنَـا عَـَربْ ما نِـعطِيِ الشَّهـواتْ واللَّـذَّه مِيــول
وَقْـتِ المِحَايِـنْ والشِّدايِـدْ نـرفـع الراَيَـه وسيلــه

مـا نـوقف ونبكـي على المحبوبه بقرب الطِّلـول
تِتْصَـادمِ بيوتِ الشِّعـر في روسنا وقت العظِيـلَه

إنسِفَّــها ســفِّ الحبـال ولـيِّهــا حـتَّــى تـطــــول
تغــزِي مَعانيـها صِميــمِ عقــولْ نَـوَّارَه عديـــله



وعْمَانِنَا غَصْبِ(ن) علينـا نفتخــر فيـها ونِــقول
هـيَّ البِـلادِ إللي ازرعـت فينـا التِّقاليــد النِّبيـــله

ونِثْنِيْ على من قادها بْصِنْعِ الحضاره والأصول
قابـوس يا قـابوسنا ممـدود باعمـار(ن) طويـــله


كلمات .. محمد المقبالي

[طموحي انساك]

صح لسااانك الشااعر مااعليك زووووود ..

تسلم ع الطرح ..

[& فـتـى عـاااهـن &]

المشاركة الأصلية كتبت بواسطة المقبالي

وعْمَانِنَا غَصْبِ(ن) علينـا نفتخــر فيـها ونِــقول
هـيَّ البِـلادِ إللي ازرعـت فينـا التِّقاليــد النِّبيـــله

ونِثْنِيْ على من قادها بْصِنْعِ الحضاره والأصول
قابـوس يا قـابوسنا ممـدود باعمـار(ن) طويـــله


كلمات .. محمد المقبالي

صح السانك بو جاسم..

ما قصرت..
أبيات رائعة..

[شـبيه الــريــــح]

صح لسانك شاعرنا

[بنت الغظيفة]

صح لسااان شاعرناا..
مشكور المقبااااالي..

[بـــقايـــا مسـ˚ஐ˚ــافــر]

بارك الله فيك اخي
عطاؤكِ عم بنوره وعطر المكان بعبق وروده
كلمات جميله جدا لشاعرنا...
لاهنتِ

[المقبالي]

اشكر جميع الاخوة على المرور بالقصيدة

[أبو حميد]

اي ابداااع .... من اين لك هذا ...بصراااحة اللساان عاجز عن الوصف والقلم عااجز عن الكتااابة...رووعة يالمقباالي...

[الغلا]

تسلم المقبالي

على القصيده الجميله

بالتوفيق لك...

[المقبالي]

اشكرك بعنف يا ابو حميد.. الابداع بعيونك..
واشكرك يا الغلا على المرووور والرد الجميل