ابتدت لحظة جفا..

**طموحي انساك** · #1 05-04-2011, 11:00 PM

انتبهت لدمعها بالهدب والكحل سال

لين جفت عينها دمع والقاع ارتوى

وابتدت لحضة جفا وانتهت لحضة وصال

وأنطفى نور السعادة واحسب انه ضوى

ما اكتفيت من الهوى والغرام أربع ليال

واقفت أيام التلاقي وجا وقت النوى

كنت ابسلى وابتسم والتفت عنها شمال

لا قويت الصد عنها ولا قلبي قوى

ما هقيت ان الهوى عذب قلوب الرجال

لين ضاع القلب مني وتفكيري سوى

رحت أدور دفوة الشمس ضيعت الضلال

جيت اطفي شعلة النار والقلب انكوى

ماهقيت ان السعادة خيال في خيال

تروى قلوب الحبايب وقلبي ما روى

كنت ابشتال الهوى والهوى ثقل الجبال

وان تحملت الجبل ما تحملت الهوى

كنت ابسلى بالهوى والهوى صعب المنال

ما رضا لي حظي اللي طواني وانطوى

قلت لا فراحي تعالي ولا قالت تعال

والخفوق ان قلت ابقبل على صدي نوى

الله أكبر لا شرقت شمس يتلاها زوال

كيف ابفرح في صباح مع الليال استوى؟

لاحصل بالحب قسمة ولا جا لي مجال

غير اشوف معاند الجرح وعناد الدوى

شبت النيران واقفت وجاء رد السؤال

ما تشب النار يا كود يوصلها هوى ..

(للشاعر /حامد زيد)
*
*

ان شاء الله تكوون عجبتكم

**صاحب السمو** · 05-04-2011, 11:27 PM

قصيده جداا جميله......يسلموووو ع النقل..الله يحفظج..

**MESSI** · 06-04-2011, 01:50 AM

كنت ابسلى وابتسم والتفت عنها شمال

لا قويت الصد عنها ولا قلبي قوى

ما هقيت ان الهوى عذب قلوب الرجال

لين ضاع القلب مني وتفكيري سوى
اختيار موفق اختي طموحي انساك
شكرا على القصيدة الجميلة
تقبلي مروري