نــويــّـر

**MESSI** · #1 25-04-2011, 05:56 PM

يالله مسا خير قلبي منقبض وشبه
من رهبة الناس والا القلب متطير

يامعيرٍ شوق قلبي روح وأنحشبه
مكينة القلب تصرف شوق يامعير

مثل رذاذ المطر مايحيي العشبه
يحيي فواد المغربل شوفة نوير

هنوف بدوٍ طرف قلبي تعشعشبه
العين تشفق لها والخافق مشير

قالت انا فيه موضوع بدردشبه
قلت أرفعي الصوت لبى وجهك النير

قالت آخاف أتغير؟ قلت ويلش به
اما التغيار لا ماني بمتغير

قالت قبل تبلش احساسي وتبلشبه
ابن آدم ان طال عمره عمره قصيّر

لاتبلش القلب في حبك وتبلش به
تراه قطة وجه من عاده صغيّر

وتقول بعدين هذي والله النشبه
اعلمك بالحـــقيقه وانته مــخير

وطيت راسي وانا افكر وكنت أشبه
من حيرته السنين ومات متحير

و أخذت موشة هواءٌ آتنعنشبه
ولديت فيها النظر وقلت يانوير

لو قالوا الناس لك يومٍ ورح عشبه
حذفت عمري وراي وجيتك مسير

لكن كلام ملش به خير وش لش به
لاتذيرين الغلا ويروح متذير

وقولى لرمشك اذا جيت آتحرشبه
يرحمني شوي ياملعونة الخير

محمد الذيب