غرشوبةٍ تخرش وهي مع خرشتي مخروشه

**ريم الحللا** · #1 19-08-2013, 11:56 PM

وشوش حشايه من تبلّش بي وانا مبلوشه
شين يشيشني على مشواري ومطراشه

غرشوبةٍ تخرش وهي مع خرشتي مخروشه
من صوتها صارتعيوني والاذن بهواشه

لاشيشت راسي بصوتٍ نبرته فرفوشه
شب الحشى وتشقق بوشواشها وشواشه

ويارش قلبي رشّة اللي فرحته منقوشه
من صوت بنتٍ لاحكت تحكي وهي منحاشه

كل ما اهمست وشلونك الشاعر اصير ف طوشه
مثل الفقير اللي مضيع مسكنه ومعاشه

واتشرّش الخاطر على شوف الغضي ورموشه
متشوّق لشوفه وشوقي مطيشنّي طياشه

حتى لقيت الغنج يتمشّى دلع في حوشه
ثم تلعب النسمات في شعره مثل نعّاشه

والجو هادي شاعري مابه صداع ودوشه
ثم رحّبت بي ياهلا باللي اشتهر بالشاشه

ام العيون اللي لها رمشٍ غزر بجيوشه
والخد ابوغمّازلي حوّش حشاي وحاشه

والخصر يشكي قلّة الري وتحت منفوشه
والمشيه ترشرشعلي العطر كنها غراشه

متثيقله تشكي الدلع كنها بتطلع كوشه
واليا حكت مالفرفشه تلعب بدور قماشه

ياويش اوصّف ويش اخلّي بالحسن وعروشه
في جيدبنتٍ حسنها صوّب علي فلاشه

وان عشت ولا مت قولوا من سبايب عوشه
الترفه اللي لاحكت تحكي وهي منحاشه

منقووول

**s.o.s** · 21-09-2013, 08:25 PM

والجو هادي شاعري مابه صداع ودوشه
ثم رحّبت بي ياهلا باللي اشتهر بالشاشه

تسلمين على النقل...

**ريم الحللا** · 23-09-2013, 07:47 PM

الله يسلمك مشرفنا

**أبو الريم** · 26-09-2013, 12:46 PM

صح لسان الشاعر

وتسلمي ريم الحلا على النقل وعلى المشاركة الجميلة