طعن الأشــــــــــواك

[أبوراشد العيسائي]

يا قلب لو بالـــــــــــراح تنعم
تلقى الســـعادة دايم حذاك
لا بد من يجفــــــــــاك يندم
لا بد يوم يجيــــــك لرضاك
لك رب بك يدري ويعــــــــلم
لك رب ما ظني بينســــــــاك
يا قلب لا تشـــــــكي وتهتم
وش فايــــــدة تتعبني وياك
أصبر عســـى دعواك تحكم
ويحالفك حظــــك فدعواك
لي راح بنيــــــــــــــانه تهدم
خله وأنا فدوه لعينــــــــاك
ياما غـــــــــرقت فبحر مظلم
دام الجزر والمد هــــــلاك
الويج والتجــــــــــريح والغم
تطعن فجوفي طعن الأشواك
من خــــــــل لا يأوي ويرحم
غـــــــلاه بالخفـــــاق فتّاك
خاب الأمـــــــل والحزن خيم
والشـــوق عدى حد الأفلاك