ماني معيّن خير !! تصبح على خيـر !!

[سـمـو الأمـيـر]

ماني معيّن خير !! تصبح على خيـر
للـنـوم ، ماخلـقـت عـيـون الـذيـابـه


أشــوف بعيـونـي غـيــوم التعـابـيـر
قامـت تطشـطـش بالمعـانـي سحـابـه


صبّت ، وصبّت ، ثم هبّـت أعاصيـر
ريـــح الألــمـ هــز الـقـلــم للـكـتـابـه


شـيٍ يطـيـر ، وشــي مــاوده يطـيـر
صار الـورق عقـب السكينـه خرابـه


حاولت أرمي هالزعل ، وامتلا البير
وبعـض الزعـل أحيـان مـا ينحكـابـه


حــاولــت أدور للـخـطـايـا مـعـاذيــر
وكل مافتحت الجرح ... يكبر صوابه


لا منعميـت .. وقلتهـا : دون تفكـيـر
الكلـمـه الـلــي قلـتـهـا .... قلتـهـا بـه


شخصٍ بعيني غير كـل البشـر غيـر
دون الـصـداقـه كــــان دم وقــرابــه


ماعاد له حشمـه ، وقيمـه ، وتقديـر
مـن يـوم كـثّ بوسـط عينـي تـرابـه


شيصير يعني ؟؟ لو يقولون شيصير
مـاهـمـنـي والله ( نــبــح الـكـلابــه)


هي ثقّلت على النخل وقفة الطيـر ؟؟
نفس السؤال الصعـب يمكـن جوابـه


شيبان يومٍ طـش سيفـه علـى الزيـر
بالسيـف نفسـه سالـم الـزيـر جـابـه


ماظـن باقـي عـقـب هــذي تفاسـيـر
يعنـي قـرابـه ؟ " .... أم " القـرابـه