رثااء فقيد العائلة

[أبو حميد]

رثاء لمصابنا الجلل(سليمان)


.................................................. ........
ياحادي الصمت ضاقت نفسنا وبحنا
متى السعادة تغني في ليالينا
هم الليالي غزانا لين ما نحنا
نستعطف الهم من كثرة مآسينا
ياليته الهم يتعذر ويسمحنا
أبلغ معاني الحزن متجمعه فينا
صمت الليالي ينام ولا يصافحنا
مانام عنا الوله من زود يغرينا
دمع الكآبه تجمهر في مفارحنا
والضيم يبني بيوته في أراضينا
نستجمع الآه ونعزي جوارحنا
نصبر ودمع الجوارح مايخلينا
نلقى هموم الشقامن وين مارحنا
تقتل فرحناوبالحسرات تدمينا
ياحادي الصمت ليه الصمت يجرحنا
ضاق الفضاومابقى من هو يواسينا
نبكي الزمن يوم ماوده يصالحنا
نرسم أماني التسامح في معانينا
ياحادي الصمت مانعرف مصالحنا
مرت فصول السعادة ولا تلاقينا
جيش المواجع بلا ميعاد صبحنا
من دون موعد ع فك الريق يغزينا
جانا الخبر ياعسى ماجا ولا صحنا
كيف الزمن يغدربنا في تباهينا
أهتز وجدان قلبي وبالفعل طحنا
نبكي الفقيد وعلى الميعاد وافينا
لولا القلوب القوية بالحزن نحنا
أستغفر الله وبكينا موت غالينا
حكم القدرمارحمنا وبالشقا رحنا
نذرف دموع الحزن والحزن يبكينا
ماعاد باقي مشاهد في مسارحنا
وماعاد باقي مراكب في موانينا
ياحادي الصمت هذا الصمت جرحنا
متى السعادة تغني في ليالينا