الهم شق وشاحة

[أبو حميد]

الجو غير الوضع غير وكل شيء صار غير
ماغير قلبي ماتغير نازفات جراحه
شي عادي وأعتيادي والقدر لازم يصير
ماشكيت ولابكيت إلا الزمن ومزاحه
ذا زماني وذا مكاني ف الهواء دايم فقير
ما أمتلك غير الحزن وين السعد وأفراحه
أشكي الغرام ومستهام كالحمام ألي يطير
تايهن في وسط صحراء باحثن عن واحه
بعد الدلع قلبي لتسع من طعنت الغض الصغير
لي خدوده لونها حمراء كما التفاحه
وين الصبر ضاع العمر لين أستوي قلبي كسير
نفسي على كثر البلاء بهمومها فواحه
الشوق شي والحب شي ليتنا مثل العبير
مثل غيمه عابره ياجعلها نضاحه
الهم حل وبي أستحل وأشعل ف جوفي سعير
ماعاد راف ولارحم بجيوشه المجتاحه
قلبي نقصف جرحي نزف لين أستوى جرحي كبير
منهو يعالج موقفي وين الهناء والراحه
هذا الهواء فيه أستواء وضعي ترا وضع مثير
ضاع الأمل وسط الجدل والهم شق وشاحه
ناديت أنا يأهل الفكر يأهل المعاني والضمير
لبو النداء أهل الفكر كلن يشل سلاحه
لي في الهواء عيا يصير بعزومنا لازم يصير
حتى متى وأحنا نداوي همنا وجراحه.