بعض الحكي يوجع ولو كان حرفين

[شمؤؤخي تعدااكـ]

لك كم سـنه تسأل وانا اقول بعدين

لاعاد تسالني عن اسباب هالصمت !!


بيني وبين الصمت عشرة من سنين

واخاف اخون الصمت لامن تكلمت !!


بعض الحكي يوجع ولوكان حرفين

وش ينفعك لا من حكيت وتندمـت !!


واجد جـروحي بس والله غاليـن

من كثر ما اغليهم ليا شفتهم قمـت !!


جرحي ليا اقبل قلت ياجرحي اهلين

معروف اني من عذابه تعـلمـت !!


وإلا زماني لوضحك عارفه زين

ماهوب يبطي لو بوجه تبسمـت !!


لاعاد اجل تطرح عليه سؤالين

وش فيك ماتضحك ..ووش فيك مانمت