سرت بالأشواق المراكب هديّه

[مطلع الشمس]

سرت بالأشواق المراكب هديّه
يمّ الحبيب اللي سكن بالمحاني
الشوق أمطر وسمها مغربيّه
ولا وقف إلا وسال المكاني
بلّلتني في دمعتن حاتميّه
ونتي على خدي سقيتي طعاني
أنا من الفرقى شراره لضيّه
كوت ضلوعي ما حسبته كواني
مدّيت كفّي بالمصافح نقيّه
على وعدنا الأوّلي بالضماني
محدن على درب الشقى مد عطيّه
محدن غرف كاس المراره باواني
واليوم يا حبّي سمعنا دويّه
من داخل الخافي حروقه سماني
بكى خفوقي ما وجس بالحميّه
أبكاه جرحن من فراقن بلاني
هذا زمانن حدنا بالرديّه
قليل من هو له فطن يا حناني
كم فرّقت خلن عن العين جيّه
وكم دموعن حولت من زماني
ونا طلبت الله قريب المنيّه
شوفه هلا به مرحبا لو ثواني

[الشيخ]

كم فرّقت خلن عن العين جيّه
وكم دموعن حولت من زماني
ونا طلبت الله قريب المنيّه
شوفه هلا به مرحبا لو ثواني

قصيدة كشخـــــــــــــة
من شخص رائـــــــــع
سلمت يمناك أختي خفايا الروح
وننتظر يديدك

[مطلع الشمس]

مشكوووووور ع المرور..........

[عاهن الخير]

مشكوووررره خفايا ما عليكي زوووود.

[مطلع الشمس]

عااااااااااهن تسلم ع المرور