دروب الشعر

[& فـتـى عـاااهـن &]

دروب الشعر

في دروب الشعر تاهت نظرتي لك يالقصيد
ما عرفت اللي حصلك ، والا ربعك ما بغوك؟؟
كنت احيدك عالنوايف رايتك حرَّه تشيد
كنت احيدك بالقوافي عاليٍ مثل الملوك
وش حصلك ؟ وش بدالك؟ وش علومك ؟ والجديد؟
وش سبب قطع القوافي؟؟ بالمشاعر قاطعوك
ناس هالأيام سِمْعَه ما لهم (فْ) الشّعر سِيِد
من يعَرْفون المثايل ، (فْ) البدايه يعرفوك
ما هو كل من قال شاعر يالشّعر شعره فريد
وما هو من نادى بْقصيده بالقصيده يغْصبوك
من يحاول يستفزّك ، الحقارة له رصيد
المذلَّه له طليبه والمعزه بنت ابوك
الله يرحم وقت أول والليالي لي تحيد
واللي تعرف ناس أوَّل لـِ بْهواهم ميّلوك
عندهم كنت الونيس وحبّهم لك يستزيد
(فْ) الصباح يرتّبوك و (فْ) الضحى يتناقلوك
عندهم كنت الهوايه والكرامه لك أكيد
عمرهم ما شتَّتوا بك عمرهم ما باعدوك
الله يرحمهم جميعًا ذكرهم عندي وكيد
ما نيِ مْعاصر زمنهم بس هُمَّه لي طروك
المثايل والقوافي والوصايف لك شهيد
فخرهم يتفاخروبه بينهم يتداولوك
حيّ والله بالقوافي لأولية لي تجيد
عادة اصحاب المروّه لـِ (فْ) سماهم شمّروك


كلمات.. وليد العيسائي

[@الجنرال@]

حمااااااااااااااااااااااااااااااااااااااس

[أبو الريم]

صباحك خير يا وليد

وصح لسانك .. أبدعت في القصيدة

ولا تحرمنا من جديدك

[الغلا]

صح لسانك شاعرنا المبدع

قصيده جميله...

[& فـتـى عـاااهـن &]

المشاركة الأصلية كتبت بواسطة أبو الريم

صباحك خير يا وليد

وصح لسانك .. أبدعت في القصيدة

ولا تحرمنا من جديدك

صباح النور والسرور يا أبو الريم..

صح ابدنك..
مشكور عالمرور..

[& فـتـى عـاااهـن &]

المشاركة الأصلية كتبت بواسطة الغلا

صح لسانك شاعرنا المبدع

قصيده جميله...

صح ابدنج اختي الغلا..
مشكورة ع المرور..

[صاحب السمو]

صح لسانك يا العيسائي.....
بطلبك طلب..ابي قصيده صوتيه!!! اذا ممكن!!

[طموحي انساك]

صح لساااانك شااااارعناااااااااااااااااااا....

تسلم ع الطرررررح .....
مشكوؤؤؤر..

[& فـتـى عـاااهـن &]

المشاركة الأصلية كتبت بواسطة عبوود

صح لسانك يا العيسائي.....
بطلبك طلب..ابي قصيده صوتيه!!! اذا ممكن!!

صح ابدنك أخوي عبووود..

المشكلة أخافكم تكرهوا الشعر لما تسمعوا شعري... هاهاهااي..

ع العموم ، ما يهمك ، ف أقرب وقت وبتنزل القصيدة ف المنتدى.

[& فـتـى عـاااهـن &]

المشاركة الأصلية كتبت بواسطة طموحي انساك

صح لساااانك شااااارعناااااااااااااااااااا....

تسلم ع الطرررررح .....
مشكوؤؤؤر..

صح ابدنك طموحي أنساك..
هذا من ذوقك..