من بادي الوقت

[عاهن الخير]

من بادي الوقت هذا طبع الايَّامِ
عذبات الايَّام ماتمـدي لياليهـا


حلو الَّليالي تواري مثل الأحـلامِ
مخطور عنَّي عجاج الوقت يخفيها


أسري مع الهاجس الَّلي مابعد نامِ
وأصوِّر الماضي لنفسي وأسلَّيهـا


أخالف العمر أراجع سالف أعوامِ
وأنوَّخ ركاب فكري عند داعيها


تدفى على جال ضوَّه بارد عظامي
والماء يسوق بمعاليقي ويرويهـا


إلى صفالكـ زمانكـ علِّ ياظامـي
إشرب قبل لايحوس الطَّين صافيها


الوقت لو زان لكـ ياصاح مادامِ
ياسرع ماتعترض دربكـ بلاويهـا


حتَّى وليفكـ ولو هيَّم بك هيـامِ
سيَّور الايَّام تجنح بـهـ عواديهـا


كلمات الأمير: خالد الفيصل